قازاقستاننىڭ 17 ٶڭٸرٸنەن 1100 ادام قاتىسقان ساۋالنامادا 62% رەسپوندەنت ەتتٸڭ قىمباتتاۋىنا بايلانىستى ونى بۇرىنعىداي جيٸ ساتىپ المايتىنىن ايتتى, دەپ حابارلايدى Dalanews.kz.
تاعى 24,5% ازامات وسىنداي سەبەپپەن كٶكٶنٸس پەن جەمٸس-جيدەك تۇتىنۋدى ازايتقان.
بۇل DEMOSCOPE قوعامدىق پٸكٸردٸ ەكسپرەسس-مونيتورينگ بيۋروسى جٷرگٸزگەن «قازاقستانداعى ازىق-تٷلٸك قاۋٸپسٸزدٸگٸن قابىلداۋ» زەرتتەۋٸنٸڭ نەتيجەسٸ.
زەرتتەۋ قورىتىندىسىنا سەيكەس, ازاماتتاردىڭ 74,7%-ى سوڭعى التى ايدا ازىق-تٷلٸك باعاسىنىڭ ٶسۋٸنە الاڭداۋلى. ال 6,9% رەسپوندەنت باعانىڭ قىمباتتاۋى ولاردى مٷلدە مازالامايتىنىن ايتقان.
ەسەپتە قازاقستاندىق وتباسىلاردىڭ شىعىنىنىڭ جارتىسىنان استامى (50,6%) ازىق-تٷلٸككە جۇمسالاتىنى كٶرسەتٸلگەن.
ساۋالناما نەتيجەسٸ بويىنشا:
- 62% – ەتكە,
- 24,5% – كٶكٶنٸس پەن جەمٸسكە,
- 20,5% – بالىققا,
- 16,9% – سٷت ٶنٸمدەرٸنە,
- 12,1% – نان مەن ۇن تاعامدارىنا ٷنەمدەي باستاعان.
ال 11,2% رەسپوندەنت شۇجىق ٶنٸمدەرٸن ساتىپ الۋدان باس تارتقان, 10,9% تەتتٸ تاعامداردى قىسقارتقان.
دەگەنمەن 24,1% ازامات بۇرىنعىداي ازىق-تٷلٸكتەن ٷنەمدەمەي, ٷيرەنشٸكتٸ تاعامدارىن ساتىپ الىپ جٷر.
قىزىعى, باعانىڭ ٶسۋٸنە قاراماستان, قازاقستاندىقتار ازىق-تٷلٸك قاۋٸپسٸزدٸگٸ دەڭگەيٸن - ساپا, قولجەتٸمدٸلٸك جەنە باعا تۇرعىسىنان - ەلٸ دە وڭ باعالاپ وتىر.
رەسپوندەنتتەردەن بۇل دەڭگەيدٸ 5 بالدىق شكالا بويىنشا باعالاۋ سۇرالعان: 5 – ٶتە جوعارى, 1 – ٶتە تٶمەن. نەتيجەسٸندە 45,1% ازامات ازىق-تٷلٸك جٷيەسٸنٸڭ تۇراقتىلىعىن جوعارى باعالاعان (ونىڭ ٸشٸندە 25% – ٶتە جوعارى, 20,1% – جوعارى). ال 19,6% سىن كٶزبەن قارايدى: 11,3% – ٶتە تٶمەن, 8,3% – تٶمەن دەپ ەسەپتەيدٸ. 35,3% ورتاشا دەڭگەيدە دەپ باعالاعان.
تاعى بٸر قىزىقتى تۇجىرىم - 64,3% ازامات الداعى بەس جىلدا قازاقستان تولىق ازىق-تٷلٸك ٶزٸن-ٶزٸ قامتاماسىز ەتۋ دەڭگەيٸنە جەتەدٸ دەپ سەنەدٸ. تەك 16,7% بۇل پٸكٸرگە كٷمەنمەن قارايدى.
سونىمەن قاتار, رەسپوندەنتتەردٸڭ 53,7%-ى قازٸرگٸ تاڭدا وتاندىق ٶنٸم يمپورتتىق تاۋارلاردان قىمبات ەكەنٸن اتاپ ٶتكەن.
ساۋالناما تەلەفون ارقىلى جٷرگٸزٸلگەن. قاتىسۋشىلاردىڭ 46,9%-ى ەر ادامدار, 53,1%-ى ەيەلدەر. 62% قازاق تٸلٸندە, 38% ورىس تٸلٸندە جاۋاپ بەرگەن. رەسپوندەنتتەردٸڭ 77,8%-ى قازاق, 12,1%-ى ورىس جەنە 9,7%-ى ٶزگە ۇلت ٶكٸلدەرٸ. 65,9% قالادا, 33,4% اۋىلدا تۇرادى.
