قازاقستاندا قىتايدان كٶلٸك جەتكٸزٸپ بەرۋشٸ كومپانييانىڭ ەرەكەتٸنەن شامامەن 60 ادام زارداپ شەككەنٸن مەلٸمدەپ وتىر, دەپ حابارلايدى Dalanews.kz كتك تەلەارناسىنا سٸلتەمە جاساپ.
زارداپ شەككەن حالىقتىڭ ايتۋىنشا, ولار اۆتوكٶلٸكتەرگە تولىق اقى تٶلەگەن, بٸراق كٶلٸكتەرٸن الا الماعان. كومپانييا مەنەدجەرلەرٸمەن بايلانىسۋعا تىرىسقاندا جاۋاپ بەرۋدٸ توقتاتقان, ال فيرمانىڭ نەگٸزٸن قالاۋشىسى, جەبٸرلەنۋشٸلەردٸڭ سٶزٸنشە, شەتەلگە قاشىپ كەتكەن.
الدىن الا ەسەپ بويىنشا, اۆتوديلەر كليەنتتەرٸنە 1 ميلليارد 200 ميلليون تەڭگە قارىز. بٸر اپتا بۇرىن اۆتوسالوندا ساتىلىمداعى كٶلٸكتەر تۇرعان, ال قازٸر عيمارات بوس: كٶلٸكتەر مەن قۇرال-جابدىقتار شىعارىلىپ ەكەتٸلگەن, ەسٸكتەر جابىلىپ, مٶر باسىلعان.
زارداپ شەككەندەردٸڭ بٸرٸ – يليا پوگوجەۆ. ول جۇبايىمەن بٸرگە ٷش جىل بويى 12 ميلليون تەڭگە تۇراتىن قىتاي كروسسوۆەرٸنە اقشا جيناعان. باعانى تٶمەندەتۋ ٷشٸن اۆتوديلەر كٶلٸكتٸ قورعاستان تٸكەلەي تاپسىرىسپەن الۋدى ۇسىنعان. الايدا ارادا ەكٸ اي ٶتسە دە, ماشينا جەتكٸزٸلمەگەن.
«كومپانييانىڭ قۇرىلتايشىسى ب.ە. ٶزٸ حابارلاسىپ, قازٸر كەدەندە پروبلەما تۋىنداعانىن ايتىپ, كٶلٸگٸڭٸزدٸ جاقىندا ەكەلەمٸز دەپ ەسكەرتكەن. ال ٶتكەن اپتاداعى بەيسەنبٸ-جۇما كٷندەرٸنەن باستاپ مٷلدە بايلانىسقا شىقپاي قويدى: قوڭىراۋلار جەتپەيدٸ, حابارلامالار جاۋاپسىز», – دەيدٸ جەبٸرلەنۋشٸ.
زارداپ شەككەندەر – قازاقستاننىڭ جەتٸ قالاسىنىڭ تۇرعىندارى. ولاردىڭ بارلىعى ٶز اقشاسىن قايتارۋعا تىرىسقان. الايدا مەنەدجەرلەر ٷن قاتپاي قويعان. جەبٸرلەنۋشٸلەردٸڭ ايتۋىنشا, كومپانييانىڭ قۇرىلتايشىسى قازٸر ىستامبۇلدا بولۋى مٷمكٸن, بٸراق پوليتسييا بۇل اقپاراتتى راستاماي وتىر.
«بۇل دەرەك بويىنشا جەتٸسۋ اۋدانى پوليتسييا باسقارماسى قىلمىستىق كودەكستٸڭ 190-بابىنىڭ 4-بٶلٸگٸ – اسا ٸرٸ كٶلەمدەگٸ الاياقتىق بويىنشا قىلمىستىق ٸس تٸركەدٸ. قازٸرگٸ ۋاقىتتا ٸستٸڭ جان-جاقتى, تولىق ەرٸ وبەكتيۆتٸ قاراستىرىلۋىن قامتاماسىز ەتۋگە باعىتتالعان جەدەل-ٸزدەستٸرۋ شارالارى جٷرگٸزٸلٸپ جاتىر. تەرگەۋ نەتيجەسٸ بويىنشا پروتسەسسۋالدىق شەشٸم قابىلدانادى», – دەپ حابارلادى پوليتسييا دەپارتامەنتٸ.
ٶزٸن زارداپ شەككەندەردٸڭ قاتارىنا جاتقىزاتىندار تەك كليەنتتەر عانا ەمەس. داۋدىڭ كەسٸرٸنەن كٶرشٸ اۆتوسالون دا قيىن جاعدايعا تاپ بولعان. ونىڭ كەڭسەسٸ مەن اۆتوتۇراعى دەل وسى اۋماقتا ورنالاسقان. قىزمەتكەرلەردٸڭ ايتۋىنشا, كەلۋشٸلەر كومپانييالاردى جيٸ شاتاستىرىپ جٷر.
كليەنتتەر جاڭا كٶلٸكتەرٸن كٷتۋدەن ٷمٸت ٷزگەن. ەندٸ ەڭ بولماسا اقشالارىن قايتارىپ الۋعا ٷمٸتتەنەدٸ. سونىمەن بٸرگە قولىنا تيمەگەن كٶلٸكتەر ٷشٸن العان كرەديتتەردٸ قالاي ٶتەيتٸندەرٸن ويلاپ وتىر.
