ترەنينگ 2019 جىلدىڭ بۇگىن جانە ەرتەڭ نۇر-سۇلتان قالاسىندا وتەدى. رفمم مۇعالىمدەرى قۇندى ءبىلىم الا وتىرىپ، گرۋزيالىق ارىپتەستەرىنىڭ عىلىمي پاندەردى وقىتۋدىڭ ۇزدىك ۇلگىلەرىمەن تانىسۋعا مۇمكىندىك الادى.
بۇل ءىس-شارانىڭ نەگىزگى ماقساتى – رفمم مۇعالىمدەرىن وقىتۋ جانە ولار العان بىلىمدەرىمەن الماتى، نۇر-سۇلتان قالالارىنداعى ءوز ارىپتەستەرىمەن ءبولىسۋ جانە ۇيرەتۋ.
جوبا جەتەكشىسى ەرلان ۋتەۋلين:
«ءبىز قازاقستانداعى جاراتىلىستانۋ-ماتەماتيكالىق باعىتتاعى ەڭ ۇزدىك وليمپيادالىق مەكتەپ بولعاندىقتان، STEM پاندەرىن وقىتۋدا جوبالاۋ جۇمىستارىن ەنگىزۋدىڭ اسا قاجەتتىلىگىن كورىپ وتىرمىز. بۇل مەكتەپتەگى جاراتىلىستانۋ پاندەرىن وقىتۋدى جاڭا بيىك دەڭگەيگە كوتەرۋ ءۇشىن قاجەت»
- دەيدى.
جوبا ۇيىمداستىرۋشىلارى گرۋزيادان Science on Stage ۇيىمىنىڭ مۇشەلەرى، مۇعالىمدەرگە ارنالعان وقۋ قۇرالدارىنىڭ اۆتورلارى، باعدارلامالاۋ مەن فيزيكا بويىنشا مول تاجىريبەسى بار ەكى وقىتۋشىنى ارنايى شاقىرىپ وتىر.
ولاردىڭ كومەگىمەن ءرفمم-نىڭ 20-عا جۋىق ترەنەر-مۇعالىمىن دايىنداپ، ودان ءارى الماتى مەن نۇر-سۇلتان قالالارىنىڭ مۇعالىمدەرىن كوبىرەك وقىتۋ جوسپارلانىپ وتىر.
رەسپۋبليكالىق فيزيكا-ماتەماتيكا مەكتەبى STEM ءبىلىم بەرۋدىڭ بەلسەندى دامىتۋشىسى، سونداي اق جالپى ءبىلىم بەرۋ STEM مەكتەپتەرىنىڭ ۇلتتىق كونسورسيۋمى (NCSSS) قۇرامىنا ەنگەن مامانداندىرىلعان مەكتەپ.
فيزمات نەگىزى 1972 جىلدىڭ قازان ايىندا الماتى قالاسىندا قالانعان. مەكتەپتىڭ ەكىنشى كامپۋسى ءوز ەسىگىن ەلوردامىز استانا قالاسىندا 2016 جىلدىڭ شىلدە ايىندا اشتى. ىرگەتاسى قالانعان ساتتەن باستاپ دارىندى بالالارعا ءبىلىم بەرۋدىڭ قازاقستاندىق ۇزدىك مەكتەپ سانالادى.
