Trening 2019 jyldyń búgin jáne erteń Nur-Sultan qalasynda ótedi. RFMM muǵalimderi qundy bilim ala otyryp, Grýziialyq áriptesteriniń ǵylymi pánderdi oqytýdyń úzdik úlgilerimen tanysýǵa múmkindik alady.
Bul is-sharanyń negizgi maqsaty – RFMM muǵalimderin oqytý jáne olar alǵan bilimderimen Almaty, Nur-Sultan qalalaryndaǵy óz áriptesterimen bólisý jáne úiretý.
Joba jetekshisi Erlan Ýteýlin:
«Biz Qazaqstandaǵy jaratylystaný-matematikalyq baǵyttaǵy eń úzdik olimpiadalyq mektep bolǵandyqtan, STEM pánderin oqytýda jobalaý jumystaryn engizýdiń asa qajettiligin kórip otyrmyz. Bul mekteptegi jaratylystaný pánderin oqytýdy jańa biik deńgeige kóterý úshin qajet»
- deidi.
Joba uiymdastyrýshylary Grýziiadan Science on Stage uiymynyń músheleri, muǵalimderge arnalǵan oqý quraldarynyń avtorlary, baǵdarlamalaý men fizika boiynsha mol tájiribesi bar eki oqytýshyny arnaiy shaqyryp otyr.
Olardyń kómegimen RFMM-niń 20-ǵa jýyq trener-muǵalimin daiyndap, odan ári Almaty men Nur-Sultan qalalarynyń muǵalimderin kóbirek oqytý josparlanyp otyr.
Respýblikalyq fizika-matematika mektebi STEM bilim berýdiń belsendi damytýshysy, sondai aq jalpy bilim berý STEM mektepteriniń Ulttyq konsortsiýmy (NCSSS) quramyna engen mamandandyrylǵan mektep.
Fizmat negizi 1972 jyldyń qazan aiynda Almaty qalasynda qalanǵan. Mekteptiń ekinshi kampýsy óz esigin elordamyz Astana qalasynda 2016 jyldyń shilde aiynda ashty. Irgetasy qalanǵan sátten bastap daryndy balalarǵa bilim berýdiń Qazaqstandyq úzdik mektep sanalady.
