الداعى قىركۇيەكتە استانادا وتەتىن 5ء-شى دۇنيەجۇزىلىك كوشپەندىلەر ويىندارى قارساڭىندا قازاقستاندىق كوكپارشىلار الماتى وبلىسىندا كوكپار جانە كوكبورى ويىندارى بويىنشا وقۋ-جاتتىعۋ جيىندارىن وتكىزىپ جاتىر، – دەپ حابارلايدى Dalanews.kz ۇلتتىق سپورت قاۋىمداستىعىنىڭ قىزمەتىنە سىلتەمە جاساپ.
– دكو اياسىندا كوكپار جانە كوكبورى ويىندارى وتەدى. ءقازىر سپورتشىلاردىڭ دايىندىقتارى جاقسى. باستى قارسىلاس رەتىندە قىرعىزستان مەن وزبەكستاندى ايتار ەدىم. ەگەر ءبىز كوكپاردان جەڭىسىمىزگە سەنىمدى بولساق، كوكبورى ويىنىنان مۇمكىندىكتەرىمىز تەڭ دارەجەدە. ءبىراز جىلدان بەرى كوكبورى ويناعان جوقپىز. دەسە دە جەڭىس ءۇشىن بارلىق مۇمكىندىگىمىزدى پايدالانامىز، – دەدى كوكپاردان ۇلتتىق قۇرامانىڭ باس باپكەرى اقىلباي مانكەيەۆ.
كوكپاردان ۇلتتىق قۇراما مۇشەسى ناۋرىزباي قالتايەۆ بايراقتى باسەكەگە دايىندىق جايلى جانە كوكپار مەن كوكبورىنىڭ ايىىرماشىلىقتارى تۋراسىندا ايتىپ بەردى.
– 5ء-شى دۇنيەجۇزىلىك كوشپەندىلەر ويىندارىنا دەگەن دايىندىعىمىز جوعارى دەڭگەيدە ءوتىپ جاتىر. ەكى سپورتتىڭ ايىرماشىلىعى تايم سانىندا – كوكبورىدە ءۇش تايم وينالادى، ال كوكپاردا ەكەۋ. كوكبورىدە قازاندىققا، ال كوكپار جەرگە سىزىلعان شەڭبەردە وينالادى، – دەپ اتاپ ءوتتى ناۋرىزباي قالتايەۆ.
كوكبورى سايىسى بويىنشا ءار كوماندادان 12 قاتىسۋشى بولادى. سپورتشىلاردىڭ دايىندىعى ءۇشىن كوكپار فەدەراسياسى تاجىربيەلى كەڭەسشىلەردى تارتقان. وقۋ-جاتتىعۋ جيىندارى ق ر تۋريزم جانە سپورت مينيسترلىگىنىڭ ۇلتتىق جانە ات سپورتى تۇرلەرى ورتالىعىنىڭ قولداۋىمەن ۇيىمداستىرىلىپ وتىر.
ەسكە سالا كەتەيىك، رەسپۋبليكالىق «كوكپار» فەدەراسياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە «اۋدارىسپاق»، «بايگە»، «تەڭگە ءىلۋ»، «ساداق اتۋ»، «جامبى اتۋ»، «قۇسبەگىلىك»، «اسىق اتۋ»، «JORYQ» ات سپورتى جانە ت.ب. فەدەراسيالار بار. ق ر ۇلتتىق سپورت قاۋىمداستىعىن يسلامبەك سالجانوۆ باسقارادى.
ايتا كەتەرلىگى، 8-13 قىركۇيەكتە استانا قالاسىندا 5ء-شى دۇنيەجۇزىلىك كوشپەندىلەر ويىندارى وتەدى. ءىس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا. 5ء-شى دۇنيەجۇزىلىك كوشپەندىلەر ويىندارىنىڭ باس دەمەۋشىسى – ALAGEUM ELECTRIC، ويىنداردىڭ باس سەرىكتەسى – Halyk Bank. استانادا وتەتىن دۇنيەجۇزىلىك كوشپەندىلەر ويىندارىندا بارلىعى 21 سپورت تۇرىنەن 97 مەدال جيىنتىعى ساراپقا سالىنادى.
