بٷگٸن اباي اتىنداعى قازاق ۇلتتىق پەداگوگيكالىق ۋنيۆەرسيتەتٸندە «قازاقستاننىڭ ٷشٸنشٸ جاڭعىرۋى: ەيەل. قوعام. بٸلٸم جەنە عىلىم» اتتى حالىقارالىق سيمپوزيۋم ٶتتٸ. شارا اياسىندا «قازاقستاندىق عالىم ەيەلدەر قوعامى» اتتى بٸرلەستٸكتٸڭ سالتاناتتى اشىلۋى ٶتٸپ, قوعام مٷشەلەرٸنە ارنايى كۋەلٸك تابىس ەتٸلدٸ.
سيمپوزيۋمدابٸلٸم مەن عىلىمدى دامىتۋداعى ەيەل عالىمداردىڭ الار ورنى, تٸلدەردٸ وقىتۋ مەن ٷيرەتۋدەگٸ يننوۆاتسيييالار, قازاقستان دامۋىنىڭ زاماناۋي كەزەڭٸندەگٸ وتباسى مەن وتباسىلىق قۇندىلىقتار, قوعامدىق قاتىناستاردىڭ جاھاندانۋى كونتەكستٸندەگٸ ادام قۇقىعىنىڭ دامۋى تاقىرىپتارىندا دٶڭگەلەك ٷستەل ٶتكٸزٸپ, بٷگٸنگٸ ٶزەكتٸ تاقىرىپتاردى تالقىلادى.
سيمپوزيۋمعا مەديتسينا, فيلولوگييا, فيلوسوفييا, پەداگوگيكا, اۋىلشارۋاشىلىعى, تٸل, جاراتىلىستىق عىلىمدار سالاسىنىڭ ٷزدٸك ماماندارى, ەلٸمٸزگە تانىمال عالىمدار قاتىستى. ولار «قازاقستاندىق عالىم ەيەلدەر قوعامىن» قۇرۋ ارقىلى ەلٸمٸزدەگٸ 400 مىڭعا جۋىق عالىم ەيەلدەردٸڭ ەل ٶمٸرٸنە, قوعام تىنىسىنا ٶز ٷندەرٸن جەتكٸزٸپ, كەز كەلگەن ٶزەكتٸ مەسەلەنٸ كەڭٸرەك تالقىلاۋعا, ٶزدەرٸنٸڭ بالاما جوسپارلارى مەن ويلارىن ۇسىنۋدى كٶزدەپ وتىرعاندارىن جەتكٸزدٸ.
تاڭات اياپوۆا, فيلولوگييا عىلىمدارىنىڭ دوكتورى, پروفەسسور, «قازاقستاندىق عالىم ەيەلدەرٸ قوعامى» بٸرلەستٸگٸنٸڭ پرەزيدەنتٸ:
– ٶتكەن عاسىردىڭ توقسانىنشى جىلدارىنىڭ باسىندا اقش-قا بارىپ, بٸراز جىل ۋنيۆەرسيتەتتە ساباق بەردٸم. سوندا ولاردا عالىم ەيەلدەردٸڭ بٸرٸگۋٸمەن اشقان قوعامدىق قورلارى بار ەكەنٸن بٸلدٸم. ولار ٶزدەرٸنٸڭ قوعامدىق بٸرلەستٸكتەرٸ ارقىلى جاڭا جوبالار دايىنداپ, مەملەكەتتٸك ياكي جەكەمەنشٸك سەكتورلارعا ٶزدەرٸنٸڭ ۇسىنىستارىن ۇسىنادى. قوعامداعى تٷرلٸ ٸستەرگە ٶز وي-پٸكٸرلەرٸن جەتكٸزٸپ, كەيبٸر مەملەكەتتٸك ماڭىزدى باعدارلامالارعا بالامالى جوسپارلارىن ۇسىنادى ەكەن. سول قوعامعا مەن دە مٷشە بولدىم. ولاردىڭ ەركٸندٸكتەرٸنە, تالاپشىلدىعىنا تەنتٸ بولعان ەدٸم. سودان بەرٸ قازاقستاندا وسىنداي قوعام نەگە جوق دەگەن سۇراق مەنٸ مازالاپ جٷرگەن. مۇنداي قوعام قىرعىزستان مەن ٶزبەكستاننىڭ ٶزٸندە بار ەكەنٸن جۋىردا بٸلدٸم. ولاردىڭ جۇمىس تەجٸريبەسٸن زەرتتەپ كٶردٸم. ەل ٸستەگەندٸ بٸز نەگە ٸستەمەيمٸز? قازاقستاندا 400 مىڭعا جۋىق عالىم ەيەل بار ەكەن. ولار ماماندىقتارى بويىنشا ەر سالادا جەمٸستٸ ەڭبەك ەتٸپ جٷر. ولاردىڭ ورتاق ۇيىمى بولعانى زامان تالابى دەگەن ويدامىن.
قازٸر قوعامدىق بٸرلەستٸكتەر, ۇيىمدار كٶپ. دەموكراتييالى ەلدٸڭ نەگٸزگٸ تٸرەۋٸ – وسى ۇيىمدار مەن قورلار, بٸرلەستٸكتەر. ولاردىڭ ەرقايسىسى ٶز مٸندەت-ماقساتىنا ساي ويداعىداي جۇمىس ٸستەسە, قوعام العا جىلجيدى.
ال بٸزدٸڭ ماقسات – قوعامدىق ٶزەكتٸ تاقىرىپتارعا عالىم ەيەلدەردٸڭ ٷنٸن جەتكٸزۋ, ولاردىڭ پٸكٸرلەرٸ مەن عىلىمي تۇجىرىمدارىن ۇسىنۋ. ايتالىق, قازٸر بٷگٸن ٷيلەنٸپ, ەرتەڭ اجىراسىپ كەتۋ قالىپتى جاعدايعا اينالدى. بۇنداي ٷردٸس قايدان كەلدٸ? نەگە جەتٸم بالالار كٶپ? نەگە وتباسى قۇندىلىعى جويىلىپ بارادى? قوعامدىق فورماتسييا ٶزگەرگەن تۇستا بٸزدٸڭ دەستٷرلٸ قۇندىلىقتار توقىراۋعا ۇشىراعانى جاسىرىن ەمەس. بٸز عالىمداردىڭ جيٸ باس قوسىپ, كونفەرەنتسييالار ٶتكٸزٸپ, ٶزدەرٸنٸڭ تٷيگەندەرٸ مەن تٷسٸنگەندەرٸن, زەرتتەگەن تاقىرىپتارىن كەڭٸرەك ناسيحاتتاۋعا تيٸسپٸز. بٸزدٸڭ قوعامنىڭ اتقارار جۇمىسى ٶتە كٶپ. الداعى ۋاقىتتا ارنايى باعدارلامالار ەزٸرلەپ, تيٸستٸ مەكەمەلەرمەن بٸرلەسٸپ قىزمەت اتقاراتىن بولامىز.
