Dala inside تەلەگرام ارناسى پالە ىزدەگەن پروپاگانديستىڭ كۋراتوراتىن تاپتى. كەوساياننىڭ قوجايىنىن ىزدەستىرۋگە اتسالىسقان امەريكالىق ارىپتەستەرگە العىستان باسقا ايتارىمىز جوق.
بىزگە جەتكەن مالىمەت بويىنشا ەرلى-زايىپتى سيمونيان مەن كەوسايان پرەزيدەنت اكىمشىلىگى جەتەكشىسىنىڭ ءبىرىنشى ورىنباسارى الەكسەي گروموۆقا باعىنادى. پۋتيندىك پروپاگاندا دەپ اتالاتىن ەكوجۇيەنىڭ «جاياۋ اسكەرىنە» ءجون سىلتەپ، باعىت-باعدار بەرەتىن ءدال وسى – گروموۆ. كرەمل كۋلۋارىندا ونى «كۋراتور» دەيدى.
بۇلاردىڭ ءوز اراسىندا «اسا قۇپيا تاقىرىپتاردى» تالقىلايتىن «سارى تەلەفون» بار. ەشكىمگە تيىسپەي تىنىش جاتقان قازاقستانعا سوقتىعۋ تۋرالى بۇيرىق وسى «سارى تەلەفوننان» تۇسكەن. تيگراننىڭ الدىنداعى ءماتىن دە گروموۆتىڭ ماقۇلداۋىنان وتكەن.
كورشى-قولاڭعا كۇيە جاعاتىن اقپارات تيگران ءتارىزدى پروپاگانديستەرگە «سارى تەلەفون» ارقىلى جەتەدى.
گروموۆ كىم؟
ول مەمقۇپيا ساناتىنداعى مالىمەتتىڭ سىرتقا تارالماۋىن، ازات ويلى، تاۋەلسىز كونتەنتتىڭ زومبيلانعان ورىس قوعامىنا ءوتىپ كەتپەۋىن باقىلايتىن تۇلعا. ءپۋتيندى ءپىر تۇتاتىن اقپاراتتىق ساياساتتىڭ توبە باسىندا تۇر. كرەملگە باعىنىشتى باق-تىڭ جۇمىسىن جۇيەلەيتىن دە سول.
گروموۆ مارگاريتا سيمونيان باسشىلىق ەتەتىن Russia Today-دىڭ نەگىزىن قالاۋشىلاردىڭ ءبىرى. كرەملدىڭ پۋلىنا كىرگەن سيمونياندى قولىنان جەتەكتەپ RT-عا ەرتىپ اكەلگەن دە، كەيىننەن «روسسيا سەگودنيا» اگەنتتىگىنىڭ تىزگىنىن ۇستاتقان دا ءوزى.
سيمونيان گروموۆتىڭ سىبايلاسى. 2013 جىلى ايەلىنەن اجىراسىپ، مارگاريتانىڭ قۇشاعىنا كىرگەن تيگران كەوسايان دا گروموۆتىڭ سەنىمدى ادامدارىنىڭ ساپىندا. پروپاگانداعا بولىنگەن استا-توك اقشانى وسى «ۇشتىك» بىرىگىپ يگەرەدى.
كرەمل كوسەمىمەن 1988 جىلى پراگادا تانىسقان. الدىمەن ەلسيننىڭ، كەيىن ءپۋتيننىڭ باسپا ءسوز حاتشىسى (پەسكوۆكە دەيىن) بولدى. 2000-شى جىلداردىڭ باس كەزىندە تاۋەلسىز نتۆ ارناسىنا باسا-كوكتەپ كىرىپ، ارنانى پۋتينگە تارتىپ اپەرۋگە اتسالىستى.
مەديانارىققا بولىنگەن ميللياردتار الدىمەن گروموۆتىڭ ءاميانىنا اۋادى، ارتىنان سيسياسيان، كەوسايان سەكىلدى ۇگىت-ناسيحاتشىلارعا ۇلەستىرىلەدى. گروموۆتى بەيرەسمي «پروپاگاندا ءمينيسترى» دەپ تە اتايدى.
بىزگە جەتكەن مالىمەت بويىنشا كرەمل كوسەمىنە قاجەتتى «دايدجەستى» دايىندايتىن گروموۆ كەوساياننىڭ اۋزىمەن ايتىلعان الا-قۇلا اقپاراتتى ءپۋتيننىڭ الدىنا الىپ بارعان.
Dala inside تەلەگرام ارناسىنا تىركەلۋدى ۇمىتپاڭىز. سۋرەتتىڭ ۇستىنەن باسساڭىز، ارناعا وتەسىز.
ايتپاقشى، ىلگەرىدەگى «سارى تەلەفون» ەسىڭىزدە مە؟
23 جىل بويى ءپۋتيننىن جانىنا ۇزاماي جۇرگەن گروموۆ جاڭا تەحنيكانىڭ ءتىلىن تۇسىنبەيدى. ءالى كۇنگە دەيىن كنوپكالى تەلەفوندى قولدانادى. بۇل تۇرعىدا پۋتين ەكەۋى ۇقساس.
توق ەتەرىن ايتقاندا، قازاقستانعا جاسالعان اقپاراتتىڭ شابۋىلدىڭ ارتىندا رەسەيدىڭ پرەزيدەنت اكىمشىلىگى تۇر. گروموۆتىڭ تاعى دا قانداي پروۆوكاسياعا بارارى بەلگىسىز. ال كەوسايان بولسا «سارى تەلەفوندى» اينالسوقتاپ، اپ تۇسەتىن قوڭىراۋدى كۇتىپ ءجۇر دەيدى.
دەرەككوز: t.me/dalainside
