Dala inside telegram arnasy pále izdegen propagandistiń kýratoratyn tapty. Keosaiannyń qojaiynyn izdestirýge atsalysqan amerikalyq áriptesterge alǵystan basqa aitarymyz joq.
Bizge jetken málimet boiynsha erli-zaiypty Simonian men Keosaian Prezident ákimshiligi jetekshisiniń birinshi orynbasary Aleksei Gromovqa baǵynady. Pýtindik propaganda dep atalatyn ekojúieniń «jaiaý áskerine» jón siltep, baǵyt-baǵdar beretin dál osy – Gromov. Kreml kýlýarynda ony «Kýrator» deidi.
Bulardyń óz arasynda «asa qupiia taqyryptardy» talqylaityn «sary telefon» bar. Eshkimge tiispei tynysh jatqan Qazaqstanǵa soqtyǵý týraly buiryq osy «sary telefonnan» túsken. Tigrannyń aldyndaǵy mátin de Gromovtyń maquldaýynan ótken.
Kórshi-qolańǵa kúie jaǵatyn aqparat Tigran tárizdi propagandisterge «sary telefon» arqyly jetedi.
Gromov kim?
Ol memqupiia sanatyndaǵy málimettiń syrtqa taralmaýyn, azat oily, táýelsiz kontenttiń zombilanǵan orys qoǵamyna ótip ketpeýin baqylaityn tulǵa. Pýtindi pir tutatyn aqparattyq saiasattyń tóbe basynda tur. Kremlge baǵynyshty BAQ-tyń jumysyn júieleitin de sol.
Gromov Margarita Simonian basshylyq etetin Russia Today-dyń negizin qalaýshylardyń biri. Kremldiń pýlyna kirgen Simoniandy qolynan jetektep RT-ǵa ertip ákelgen de, keiinnen «Rossiia segodnia» agenttiginiń tizginin ustatqan da ózi.
Simonian Gromovtyń sybailasy. 2013 jyly áielinen ajyrasyp, Margaritanyń qushaǵyna kirgen Tigran Keosaian da Gromovtyń senimdi adamdarynyń sapynda. Propagandaǵa bólingen asta-tók aqshany osy «úshtik» birigip igeredi.
Kreml kósemimen 1988 jyly Pragada tanysqan. Aldymen Eltsinniń, keiin Pýtinniń baspasóz hatshysy (Peskovke deiin) boldy. 2000-shy jyldardyń bas kezinde táýelsiz NTV arnasyna basa-kóktep kirip, arnany Pýtinge tartyp áperýge atsalysty.
Medianaryqqa bólingen milliardtar aldymen Gromovtyń ámiianyna aýady, artynan Sisiasian, Keosaian sekildi úgit-nasihatshylarǵa úlestiriledi. Gromovty beiresmi «Propaganda ministri» dep te ataidy.
Bizge jetken málimet boiynsha Kreml kósemine qajetti «daidjesti» daiyndaityn Gromov Keosaiannyń aýzymen aitylǵan ala-qula aqparatty Pýtinniń aldyna alyp barǵan.
Dala inside telegram arnasyna tirkelýdi umytpańyz. Sýrettiń ústinen bassańyz, arnaǵa ótesiz.
Aitpaqshy, ilgeridegi «sary telefon» esińizde me?
23 jyl boiy Pýtinnin janyna uzamai júrgen Gromov jańa tehnikanyń tilin túsinbeidi. Áli kúnge deiin knopkaly telefondy qoldanady. Bul turǵyda Pýtin ekeýi uqsas.
Toq eterin aitqanda, Qazaqstanǵa jasalǵan aqparattyń shabýyldyń artynda Reseidiń Prezident ákimshiligi tur. Gromovtyń taǵy da qandai provokatsiiaǵa barary belgisiz. Al Keosaian bolsa «sary telefondy» ainalsoqtap, AP túsetin qońyraýdy kútip júr deidi.
Derekkóz: t.me/dalainside
