قازاقستانداعى "كوندەنسات" مۇناي ٶڭدەۋ زاۋىتى رەسەي مۇنايىن ٶڭدەپ, ودان الىنعان بەنزين مەن ديزەل وتىنىنىڭ شامامەن 70 پايىزىن رەسەيگە قايتا جٶنەلتەدٸ, دەپ حابارلايدى dalanews.kz.
ەنەرگەتيكا مينيسترٸ ەرلان اقكەنجەنوۆتٸڭ ايتۋىنشا, رەسەي تاراپى قازاقستانعا ٶز مۇنايىن زاۋىتتا ٶڭدەۋ تۋرالى رەسمي ۇسىنىس جولداعان.
"بٸزدە ٶندٸرٸلگەن مۇناي ٶنٸمدەرٸنٸڭ 30 پايىزىنا دەيٸن قازاقستاندا قالاتىنى جٶنٸندە كەلٸسٸم بار. بۇل - ٸشكٸ نارىققا قاجەت بەنزين مەن ديزەل وتىنى. قالعان بٶلٸگٸ رەسەيگە جٸبەرٸلەدٸ. قازٸر رەسەيگە اي-92 ماركالى بەنزيننٸڭ شاعىن پارتييالارى جٶنەلتٸلە باستادى", - دەدٸ مينيستر.
وسىلايشا, قازاقستان زاۋىتىندا رەسەيدٸڭ شيكٸزاتىنان ٶندٸرٸلگەن مۇناي ٶنٸمدەرٸنٸڭ شامامەن 70 پايىزى قايتادان رەسەيگە جٸبەرٸلەدٸ. ٶنٸمنٸڭ بٸر بٶلٸگٸ قازاقستاننىڭ ٸشكٸ نارىعىندا قالادى.
ەرلان اقكەنجەنوۆتٸڭ سٶزٸنشە, ەزٸرگە جانارماي شاعىن پارتييالارمەن جٶنەلتٸلٸپ جاتىر. مينيستر "كوندەنسات" زاۋىتىنىڭ 50 پايىزى رەسەيلٸك كومپانيياعا تيەسٸلٸ ەكەنٸن دە ايتتى.
