Qazaqstandaǵy "Kondensat" munai óńdeý zaýyty Resei munaiyn óńdep, odan alynǵan benzin men dizel otynynyń shamamen 70 paiyzyn Reseige qaita jóneltedi, dep habarlaidy dalanews.kz.
Energetika ministri Erlan Aqkenjenovtiń aitýynsha, Resei tarapy Qazaqstanǵa óz munaiyn zaýytta óńdeý týraly resmi usynys joldaǵan.
"Bizde óndirilgen munai ónimderiniń 30 paiyzyna deiin Qazaqstanda qalatyny jóninde kelisim bar. Bul - ishki naryqqa qajet benzin men dizel otyny. Qalǵan bóligi Reseige jiberiledi. Qazir Reseige AI-92 markaly benzinniń shaǵyn partiialary jóneltile bastady", - dedi ministr.
Osylaisha, Qazaqstan zaýytynda Reseidiń shikizatynan óndirilgen munai ónimderiniń shamamen 70 paiyzy qaitadan Reseige jiberiledi. Ónimniń bir bóligi Qazaqstannyń ishki naryǵynda qalady.
Erlan Aqkenjenovtiń sózinshe, ázirge janarmai shaǵyn partiialarmen jóneltilip jatyr. Ministr "Kondensat" zaýytynyń 50 paiyzy reseilik kompaniiaǵa tiesili ekenin de aitty.
