قاراعاندى وبلىسىندا قازاقستانداعى ەڭ تەرەڭ شاحتا وقپانىنىڭ قۇرىلىسى باستالدى, دەپ حابارلايدى dalanews.kz.
«قازاقمىس كورپوراتسيياسى» جشس قاراعاندى وبلىسىنداعى «نۇرقازعان» كەن ورنىنىڭ شىعىس ۋچاسكەسٸندە «اۋا جەتكٸزۋشٸ-كلەت-2» شاحتا وقپانىنىڭ قۇرىلىسىن باستادى. جوباعا 32,5 ملرد تەڭگەدەن استام ينۆەستيتسييا سالىنادى.
كومپانييا مەلٸمەتٸنشە, جاڭا شاحتا وقپانىنىڭ جوبالىق تەرەڭدٸگٸ 1283,9 مەتردٸ قۇرايدى. بۇل ونى قازاقستانداعى ەڭ تەرەڭ شاحتا وقپانىنا اينالدىرادى.
جوبا كەن ورنىنىڭ شىعىس ۋچاسكەسٸن يگەرۋگە, جەراستى قازبالارىن تازا اۋامەن قامتاماسىز ەتۋگە, جۇمىسشىلار مەن تەحنيكانى قاۋٸپسٸز تاسىمالداۋعا جەنە جاڭا كەن قورلارىن اشۋعا مٷمكٸندٸك بەرەدٸ. قۇرىلىس بارىسىندا 65 مىڭ تەكشە مەتردەن استام تاۋ جىنىسىن قازىپ, قولدانىستاعى دەڭگەيجيەكتەرمەن توعىز تٷيٸسۋ قۇرىلىسىن سالۋ جوسپارلانعان.
«قازاقمىس» باقىلاۋ كەڭەسٸنٸڭ تٶراعاسى نۇرمۇحامبەت ەبدٸبەكوۆتٸڭ ايتۋىنشا, بۇل جوبا ٶندٸرٸستٸ دامىتۋعا, ٶنەركەسٸپتٸك قاۋٸپسٸزدٸكتٸ كٷشەيتۋگە جەنە كومپانييانىڭ شيكٸزاتتىق بازاسىن نىعايتۋعا باعىتتالعان ۇزاق مەرزٸمدٸ ينۆەستيتسييا.
شاحتا وقپانىن ٷڭگٸلەۋ جۇمىستارىن 2031 جىلى اياقتاۋ جوسپارلانىپ وتىر. ودان كەيٸن نىسان زاماناۋي تەحنولوگييالىق جابدىقتارمەن جابدىقتالادى. اتاپ ايتقاندا, كلەتتٸ كٶتەرگٸش, باس جەلدەتكٸش قوندىرعىسى جەنە جەراستى قازبالارىنا اۋا بەرۋگە ارنالعان مودۋلدٸك جىلۋ ەنەرگەتيكالىق قازاندىق ورناتىلادى.
كەيٸن جوبا اياسىندا «جەلدەتكٸش-2» شاحتا وقپانىنىڭ قۇرىلىسى دا جٷزەگە اسادى. ول پايدالانىلعان اۋانى سىرتقا شىعارۋعا, رەزەرۆتٸك شىعۋ جولىن قامتاماسىز ەتۋگە جەنە كەن قورلارىن ودان ەرٸ يگەرۋگە مٷمكٸندٸك بەرەدٸ.
مىس, التىن جەنە كٷمٸس قورى راستالعان «نۇرقازعان» كەن ورنىنىڭ قورى تاۋ-كەن بايىتۋ كەشەنٸنٸڭ 40 جىلدان استام تۇراقتى جۇمىسىن قامتاماسىز ەتە الاتىنى ايتىلدى. كومپانييا بۇل جوبانى ٶندٸرٸستٸك قۋاتتى ارتتىرۋعا جەنە كەنٸشتٸڭ ۇزاق مەرزٸمدٸ جۇمىسىن قامتاماسىز ەتۋگە باعىتتالعان ستراتەگييالىق ينۆەستيتسييا رەتٸندە باعالاپ وتىر.
