2019 جىلى پرەزيدەنتتٸك ٶكٸلەتتٸكتەردٸڭ كٶشۋٸنەن كەيٸنگٸ كەزەڭ قازاقستان ٷشٸن ەلباسى مەن ەل پرەزيدەنتٸ ينستيتۋتتارىنىڭ بٸرگە ەرەكەت ەتۋٸ پرەزيدەنتتٸك باسقارۋ نىسانىنىڭ تيٸمدٸلٸگٸن, ورىندىلىعىن جەنە ورنىقتىلىعىن كٶرسەتٸپ وتىر.
وسى ىنتىماقتاستىق COVID-19 پاندەميياسىنىڭ قيىن كەزەڭٸندە جەنە ونىڭ سالدارىنان ەكونوميكالىق جٷيەنٸڭ بارلىق سەكتورىندا جەنە ازاماتتىق قوعامنىڭ ەلەۋمەتتٸك بلوگىندا تۋىنداعان قيىندىقتار, حالىقارالىق كٷن تەرتٸبٸ كٶلەمٸنٸڭ ارتۋى جاعدايىندا ەرەكشە ٶزەكتٸ بولدى, دەدٸ مەمي 21 ماۋسىمدا پارلامەنت پالاتالارىنىڭ بٸرلەسكەن وتىرىسىندا.
قازاقستاننىڭ ەكس-پرەزيدەنتٸ نۇرسۇلتان نازارباەۆتىڭ "ەلباسى" ستاتۋسى بار. بۇل ستاتۋستىڭ ارقاسىندا ونىڭ ٶزٸنە جەنە وتباسىنا قىلمىستىق ٸس قوزعالمايدى.
مەمي پرەزيدەنت توقاەۆ "ەلباسى" نازارباەۆ ايقىنداپ بەرگەن باعىتىن ويداعىداي جالعاستىرىپ جاتىر دەگەندٸ مەڭزەدٸ.
مەملەكەت باسشىسىنىڭ ٸس-قيمىلدارىمەن ەلباسىنىڭ مەملەكەتتٸلٸكتٸ ودان ەرٸ ٷدەمەلٸ دامىتۋ جٶنٸندەگٸ ستراتەگييالارى مەن دەستٷرلەرٸ جالعاسىپ جاتقانى اقيقات. ولار ستراتەگييالىق جوسپارلاۋدىڭ نەگٸزگٸ قۇجاتتارىندا قامتىلعان, دەدٸ ول.
مەمي جولداۋدا بيىل قاڭتاردا ەپيدەميولوگييالىق جاعدايدىڭ كٷردەلٸ ەكەنٸنە قاراماستان مەجٸلٸس جەنە مەسليحات دەپۋتاتتارىنىڭ سايلاۋى "قولدانىستاعى جاڭارتىلعان زاڭناماعا سەيكەس ٶتكەنٸن" اتاپ ٶتتٸ. (حالىقارالىق باقىلاۋشىلار سايلاۋدا زاڭسىزدىقتار كٶپ بولدى دەپ باعالاعان - رەد.).
اۋىل شارۋاشىلىعى جەرلەرٸن جەكە مەنشٸككە بەرۋگە جەنە شەتەلدٸكتەرگە بەرۋگە تىيىم سالاتىن زاڭ, "ادۆوكات قىزمەتٸ" تۋرالى زاڭداردىڭ قابىلدانعانىن ايتتى.
قۇرامىندا جەتٸ مٷشەسٸ بار كونستيتۋتسييالىق كەڭەس ەلدە پرەزيدەنت, پارلامەنت سايلاۋى, رەفەرەندۋمنىڭ زاڭدى ٶتۋٸن قاداعالايدى. قابىلدانعان زاڭداردىڭ, راتيفيكاتسييالانعان حالىقارالىق كەلٸسٸمدەردٸڭ كونستيتۋتسيياعا سەيكەستٸگٸن تەكسەرەدٸ. زاڭدارعا تٷسٸنٸكتەمە بەرەدٸ. كەڭەستٸڭ ٶزگە دە مٸندەتتەرٸ بار.
2019 جىلى ەلدٸ وتىز جىلعا جۋىق باسقارعان نۇرسۇلتان نازارباەۆتىڭ وتستاۆكاعا كەتكەننەن كەيٸن دە ساياسي كەڭٸستٸكتە ىقپالىن ساقتاپ قالۋى ەلدە "قوس بيلٸك ورنادى" دەگەن تۇجىرىمنىڭ تاراۋىنا تٷرتكٸ بولعان. دەگەنمەن كەي ساراپشىلار "قوس بيلٸك ورنادى دەگەننەن گٶرٸ بيلٸك نازارباەۆتىڭ قولىندا قالدى" دەگەن تۇجىرىم شىندىققا كٶبٸرەك سەيكەس كەلەدٸ دەپ سانايدى.
