قازاقستانداعى العاشقى اەس 8 جىلدىڭ ٸشٸندە سالىنىپ بٸتۋٸ مٷمكٸن, دەپ حابارلايدى Dalanews.kz.
ەنەرگەتيكا مينيسترٸ الماسادام سەتقاليەۆ باق ٶكٸلدەرمەن ٶتكەن باسپاسٶز مەسليحاتىندا ەلدەگٸ العاشقى اەس-تٸڭ قۇرىلىس مەرزٸمٸن قىسقارۋى مٷمكٸن ەكەنٸن ايتتى.
"اەس-تٸڭ بٸرٸنشٸ بلوگىن سالۋعا قانداي دا بٸر سىن-قاتەرلەر كەدەرگٸ كەلتٸرمەسە, 10-12 جىل كەتۋٸ مٷمكٸن. بٸراق بٸز تەحنولوگييا بٸر ورنىندا تۇرمايتىنىن تٷسٸنٸپ وتىرمىز. ەلەمدەگٸ ورتاشا مەرزٸمدەردٸ ەسكەرسەك, بٸرنٸنشٸ بلوكتى 8 جىلدىڭ كٶلەمٸندە سالىپ بٸتٸرۋ ٷشٸن رەسمي ۆەندورلاردىڭ الدىنا مەرزٸمدٸ جىلدامداتۋ تۋرالى مەسەلە قويا الامىز, - دەدٸ ول باق ٶكٸلدەرٸنٸڭ سۇراعىنا بەرگەن جاۋابىندا.
ايتا كەتەيٸك, ٷكٸمەتتٸڭ كەڭەيتٸلگەن وتىرىسىندا پرەمەر-مينيستر ولجاس بەكتەنوۆ بيىل قازاقستاندا ٷش اەس سالىنۋى مٷمكٸن ەكەنٸن مەلٸمدەدٸ.
"الماتى وبلىسىندا العاشقى اەس سالۋ بويىنشا قاجەتتٸ كەلٸسٸمدەر جاقىن ارادا جاسالادى. سونداي-اق ەكٸنشٸ جەنە ٷشٸنشٸ اتوم ەلەكتر ستانتسييالارىن سالۋعا بولاتىن ايماقتاردى انىقتاۋ بويىنشا تالداۋ جۇمىستارى اياقتالۋعا جاقىن", – دەدٸ بەكتەنوۆ.
ەسكە سالايىق, الماتى وبلىسى جامبىل اۋدانى ٷلكەن اۋىلى ماڭىندا قۋاتتىلىعى 2–2,8 گۆت بولاتىن اتوم ەلەكتر ستانتسيياسىن سالۋ مەسەلەسٸ تالقىلانىپ جاتىر.
