Qazaqstandaǵy alǵashqy AES 8 jyldyń ishinde salynyp bitýi múmkin, dep habarlaidy Dalanews.kz.
Energetika ministri Almasadam Sátqaliev BAQ ókildermen ótken baspasóz máslihatynda eldegi alǵashqy AES-tiń qurylys merzimin qysqarýy múmkin ekenin aitty.
"AES-tiń birinshi blogyn salýǵa qandai da bir syn-qaterler kedergi keltirmese, 10-12 jyl ketýi múmkin. Biraq biz tehnologiia bir ornynda turmaitynyn túsinip otyrmyz. Álemdegi ortasha merzimderdi eskersek, birninshi blokty 8 jyldyń kóleminde salyp bitirý úshin resmi vendorlardyń aldyna merzimdi jyldamdatý týraly másele qoia alamyz, - dedi ol BAQ ókilderiniń suraǵyna bergen jaýabynda.
Aita keteiik, úkimettiń keńeitilgen otyrysynda premer-ministr Oljas Bektenov biyl Qazaqstanda úsh AES salynýy múmkin ekenin málimdedi.
"Almaty oblysynda alǵashqy AES salý boiynsha qajetti kelisimder jaqyn arada jasalady. Sondai-aq ekinshi jáne úshinshi atom elektr stantsiialaryn salýǵa bolatyn aimaqtardy anyqtaý boiynsha taldaý jumystary aiaqtalýǵa jaqyn", – dedi Bektenov.
Eske salaiyq, Almaty oblysy Jambyl aýdany Úlken aýyly mańynda qýattylyǵy 2–2,8 GVt bolatyn atom elektr stantsiiasyn salý máselesi talqylanyp jatyr.
