قازاقستاندا الداعى ەكٸ جىل ٸشٸندە شامامەن 3 ترلن تەڭگە ينۆەستيتسييا تارتىلىپ, 200-دەن استام جاڭا ٶندٸرٸس ورنى اشىلادى. بۇل تۋرالى پرەزيدەنت قاسىم-جومارت توقاەۆ پارلامەنت پالاتالارىنىڭ بٸرلەسكەن وتىرىسىندا مەلٸمدەدٸ, دەپ حابارلايدى dalanews.kz.
مەملەكەت باسشىسىنىڭ ايتۋىنشا, ەلٸمٸزدە اۆتوكٶلٸك, تۇرمىستىق تەحنيكا, جٷك ۆاگوندارى, قۇرىلىس ماتەريالدارى جەنە باسقا دا جوعارى تەحنولوگييالىق ٶنٸم شىعاراتىن زاماناۋي كەسٸپورىندار ٸسكە قوسىلىپ جاتىر.
«تەك 2023–2025 جىلدار ارالىعىندا جالپى قۇنى 3,7 تريلليون تەڭگەنٸ قۇرايتىن 540 يندۋسترييالىق جوبا جٷزەگە اسىرىلدى. الداعى ەكٸ جىلدا شامامەن ٷش تريلليون تەڭگە ينۆەستيتسييا تارتا وتىرىپ, تاعى 200-دەن استام جاڭا ٶندٸرٸستٸ ٸسكە قوسۋ جوسپارلانىپ وتىر. بۇل بيۋدجەت كٸرٸسٸنٸڭ ارتۋىنا, وزىق تەحنولوگييالاردىڭ ەنگٸزٸلۋٸنە جەنە ەڭ باستىسى, جاڭا جۇمىس ورىندارىنىڭ اشىلۋىنا مٷمكٸندٸك بەرەدٸ», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, ٸسكە اسىرىلعان يندۋسترييالىق جوبالاردىڭ نەتيجەسٸندە قازٸردٸڭ ٶزٸندە 50 مىڭعا جۋىق تۇراقتى جۇمىس ورنى قۇرىلعان. ال جاڭا كەسٸپورىندار پايدالانۋعا بەرٸلگەننەن كەيٸن تاعى 20 مىڭنان استام ادام تۇراقتى جۇمىسپەن قامتىلادى.
سونىمەن قاتار مەملەكەت باسشىسى شاعىن جەنە ورتا بيزنەستٸ قولداۋ جۇمىستارى جالعاساتىنىن ايتتى.
«مەملەكەت وتاندىق كەسٸپكەرلەردٸ قولداۋ مەن قورعاۋعا قوماقتى قاراجات بٶلٸپ كەلەدٸ. بٷگٸندە قازاقستانداعى ەڭبەككە قابٸلەتتٸ ازاماتتاردىڭ شامامەن جارتىسى شاعىن جەنە ورتا بيزنەستە ەڭبەك ەتەدٸ. سوڭعى بەس جىلدا بۇل سالادا جۇمىس ٸستەيتٸندەردٸڭ سانى 4,5 ميلليون ادامعا جەتتٸ. جالپى ٸشكٸ ٶنٸمدەگٸ شاعىن جەنە ورتا بيزنەستٸڭ ٷلەسٸ العاش رەت 40 پايىزدان استى. ال 2025 جىلى «بەيتەرەك» حولدينگٸ ارقىلى كەسٸپكەرلەرگە سەگٸز تريلليون تەڭگە كٶلەمٸندە قولداۋ كٶرسەتٸلدٸ», – دەدٸ پرەزيدەنت.
