پرەزيدەنت قاسىم-جومارت توقاەۆ كٷشتٸك قۇرىلىمدار, سوت جەنە قاداعالاۋ ورگاندارىنىڭ ۆەدومستۆولىق ناگرادالارى جٷيەسٸن جاڭارتاتىن جارلىققا قول قويدى. ٶزگەرٸستەردٸڭ نەتيجەسٸندە تٶرت مەملەكەتتٸك ورگان العاش رەت ٶز ناگرادالارىنا يە بولدى, ماراپاتتار تٸزٸمٸنە «عازيز بايتاسوۆ» مەدالٸ ەنگٸزٸلدٸ, ارداگەرلەرگە ارنالعان مەدالدار سانى ايتارلىقتاي ارتتى, ال «مٸنسٸز قىزمەتٸ ٷشٸن» مەدالٸنٸڭ ٷشٸنشٸ دەرەجەسٸ الىنىپ تاستالدى, دەپ حابارلايدى dalanews.kz.
ەڭگٸمە 2026 جىلعى 27 شٸلدەدە قابىلدانعان №1381 پرەزيدەنت جارلىعى تۋرالى بولىپ وتىر. قۇجات 2011 جىلعى 30 قىركٷيەكتەگٸ №155 جارلىققا ٶزگەرٸستەر ەنگٸزٸپ, ۆەدومستۆولىق ناگرادالاردىڭ تٸزبەسٸ مەن سيپاتتاماسىن, سونداي-اق ولاردى بەرۋ قاعيدالارىن جاڭا رەداكتسييادا بەكٸتەدٸ. جارلىق قول قويىلعان كٷننەن باستاپ كٷشٸنە ەندٸ.
جالپى ناگرادالار سانى كٶپ ٶزگەرگەن جوق. قازٸرگٸ تاڭدا تٸزٸمدە 66 اتاۋ بار: 33 مەدال جەنە 33 تٶسبەلگٸ. بۇرىن ولاردىڭ سانى شامامەن 65 بولاتىن. الايدا ماراپاتتاردىڭ قۇرىلىمى ەدەۋٸر جاڭارتىلدى. بۇرىن ەر ۆەدومستۆونىڭ بٸر مەدالٸنٸڭ جەكە ٷلگٸلەرٸ بولعان بولسا, ەندٸ ولاردىڭ ورنىنا بٸرىڭعاي ٷلگٸ ەنگٸزٸلدٸ.
جاڭا جٷيەگە سەيكەس ٶز ۆەدومستۆولىق ناگرادالارى بار مەملەكەتتٸك ورگاندار سانى 17-دەن 21-گە دەيٸن ٶستٸ. العاش رەت مۇنداي ماراپاتتار:
- جوعارى سوت كەڭەسٸنە – «جوعارى سوت كەڭەسٸنٸڭ ارداگەرٸ» مەدالٸ جەنە ەكٸ تٶسبەلگٸ;
- سوت ەكٸمشٸلٸگٸنە – مەدال مەن تٶسبەلگٸ;
- اتوم ەنەرگيياسى اگەنتتٸگٸنە – «اتوم سالاسىنىڭ ٷزدٸگٸ» تٶسبەلگٸسٸ;
- ادام قۇقىقتارى جٶنٸندەگٸ ۇلتتىق ورتالىققا – «ادام قۇقىقتارىن قورعاۋعا قوسقان ٷلەسٸ ٷشٸن» تٶسبەلگٸسٸ بەرٸلدٸ.
سوڭعى ناگرادا ٶڭٸرلٸك ومبۋدسمەن ٶكٸلدەرٸنە, ورتالىق قىزمەتكەرلەرٸنە, شەتەلدٸك ومبۋدسمەندەرگە, مەملەكەتتٸك ورگاندار مەن ٷكٸمەتتٸك ەمەس ۇيىمداردىڭ قۇقىق قورعاۋ سالاسىنا ٷلەس قوسقان ٶكٸلدەرٸنە تابىستالۋى مٷمكٸن.
ٸٸم-دە «عازيز بايتاسوۆ» مەدالٸ پايدا بولدى
ٸشكٸ ٸستەر مينيسترلٸگٸنٸڭ ۆەدومستۆولىق ناگرادالارى قاتارىندا «عازيز بايتاسوۆ» اتتى جاڭا مەدال ەنگٸزٸلدٸ. ونىڭ قۇرىلاتىنىن مەملەكەت باسشىسى 2026 جىلعى 6 مامىردا وتان قورعاۋشىلار كٷنٸنە ارنالعان سالتاناتتى جيىندا جارييالاعان بولاتىن.
پرەزيدەنتتٸڭ ايتۋىنشا, ەرلٸكپەن قازا تاپقان باتىرلاردىڭ ەسٸمٸن ۆەدومستۆولىق ناگرادالارعا بەرۋ تەجٸريبەسٸ جالعاسادى. العاشقىلاردىڭ بٸرٸ بولىپ 15 جىل بۇرىن جانكەشتٸ لاڭكەستٸ ۇستاۋ كەزٸندە قازا تاپقان پوليتسييا كاپيتانى عازيز بايتاسوۆتىڭ ەسٸمٸ بەرٸلدٸ.
جاڭا مەدال ەسكەري جەنە قىزمەتتٸك بورىشىن ٶتەۋ كەزٸندە ەرەكشە باتىلدىق, جانقييارلىق, جوعارى كەسٸبيلٸك پەن تاباندىلىق تانىتقان ٸٸم قىزمەتكەرلەرٸنە, سونداي-اق ازاماتتاردىڭ ٶمٸرٸ مەن دەنساۋلىعىن قورعاۋدا, قوعامدىق تەرتٸپتٸ ساقتاۋدا, قىلمىستىڭ الدىن الۋ مەن جولىن كەسۋدە, تٶتەنشە جاعدايلار كەزٸندە جەنە مەملەكەتتٸڭ مٷددەسٸن قورعاۋدا ەرلٸك كٶرسەتكەن قىزمەتكەرلەرگە تابىستالادى.
