قازاقستاندا يت اسىرايتىندارعا سالىق سالىنبايدى. ۇكىمەت مۇنداي باستامادان باس تارتتى، دەپ حابارلايدى Dalanews.kz.
قارجى ۆيسە-مينيسترى ەرجان ءبىرجانوۆ بۇل سالىقتىڭ پايداسىنان گورى كەرى اسەرى كوپ ەكەنىن ايتتى. ونىڭ سوزىنشە، مۇنداي تولەمدى ەنگىزۋ ءۇشىن ەلدەگى بارلىق ءيتتى ەسەپكە الىپ، ارنايى تىركەۋ جۇرگىزۋ قاجەت. الايدا بۇل تەحنيكالىق جاعىنان قيىن شارۋا.
سونىمەن قاتار ول مۇنداي سالىقتىڭ ناقتى نە ءۇشىن كەرەك ەكەنى دە تۇسىنىكسىز ەكەنىن جەتكىزدى.
ال ۇلتتىق ەكونوميكا ۆيسە-مينيسترى ازامات امرين بولسا، بۇل شەشىم ادامداردىڭ يت اسىراۋعا دەگەن ىنتاسىن ازايتۋى مۇمكىن ەكەنىن ايتتى. ونىڭ پىكىرىنشە، مۇنداي باستاما سالىق تۇرلەرىن ازايتۋدى كوزدەيتىن جاڭا سالىق كودەكسىنىڭ تالاپتارىنا دا سايكەس كەلمەيدى.
