Qazaqstanda ıt asyraıtyndarǵa salyq salynbaıdy. Úkimet mundaı bastamadan bas tartty, dep habarlaıdy Dalanews.kz.
Qarjy vıse-mınıstri Erjan Birjanov bul salyqtyń paıdasynan góri keri áseri kóp ekenin aıtty. Onyń sózinshe, mundaı tólemdi engizý úshin eldegi barlyq ıtti esepke alyp, arnaıy tirkeý júrgizý qajet. Alaıda bul tehnıkalyq jaǵynan qıyn sharýa.
Sonymen qatar ol mundaı salyqtyń naqty ne úshin kerek ekeni de túsiniksiz ekenin jetkizdi.
Al Ulttyq ekonomıka vıse-mınıstri Azamat Amrın bolsa, bul sheshim adamdardyń ıt asyraýǵa degen yntasyn azaıtýy múmkin ekenin aıtty. Onyń pikirinshe, mundaı bastama salyq túrlerin azaıtýdy kózdeıtin jańa Salyq kodeksiniń talaptaryna da sáıkes kelmeıdi.
