قازاقستانداعى العاشقى اشىق ۇشقىشسىز جولاۋشىلار ەۋە اپپاراتىنىڭ ۇشۋى جەنە ورتالىق ازيياداعى وسىنداي العاشقى رەيس جٷزەگە استى, دەپ حابارلايدى dalanews.kz.
Allur كومپانيياسى EHang جەنە QazTehna كومپانييالارىمەن بٸرلەسٸپ ەلٸمٸزدە eVTOL ساناتىنداعى ۇشقىشسىز جولاۋشىلار اپپاراتتارىن ەنگٸزۋ جەنە كەيٸننەن ولاردى جەرگٸلٸكتەندٸرۋ جوباسىن ٸسكە اسىرۋعا كٸرٸستٸ.
جوبا 2025 جىلى Allur مەن ەلەمدەگٸ ۇشقىشسىز جولاۋشىلار اپپاراتتارىن ٶندٸرۋدەگٸ كٶشباسشىلاردىڭ بٸرٸ سانالاتىن EHang كومپانيياسى اراسىندا جاسالعان ستراتەگييالىق كەلٸسٸم اياسىندا جٷزەگە اسىرىلىپ جاتىر. ونىڭ نەگٸزگٸ ماقساتى - قازاقستاندا جاڭا ەۋە موبيلدٸگٸ نارىعىن قالىپتاستىرۋ, جوعارى تەحنولوگييالىق ٶندٸرٸستٸ دامىتۋ جەنە زاماناۋي كٶلٸك شەشٸمدەرٸن ەنگٸزۋ.
جوبانىڭ تانىستىرىلىمى بارىسىندا استانادا EH216-S ۇشقىشسىز جولاۋشىلار اپپاراتىنىڭ اشىق كٶرسەتٸلٸم ۇشۋى ٶتتٸ. قازاقستان رەسپۋبليكاسىنىڭ كٶلٸك مينيسترٸ نۇرلان ساۋرانباەۆ اپپاراتتىڭ العاشقى جولاۋشىسى بولدى. كٶرسەتٸلٸم “بولاشاق ويىندارى 2026” حالىقارالىق تۋرنيرٸ اياسىندا ۇيىمداستىرىلدى.
EH216-S تولىقتاي ەلەكتر قۋاتىمەن جۇمىس ٸستەيدٸ, ەكٸ ادامدى تاسىمالداي الادى, ساعاتىنا 130 شاقىرىمعا دەيٸن جىلدامدىقپەن ۇشادى جەنە بٸر زاريادپەن شامامەن 35 شاقىرىم قاشىقتىقتى ەڭسەرەدٸ. اپپارات تٸك كٶتەرٸلٸپ, تٸك قونادى جەنە الدىن الا بەلگٸلەنگەن باعىت بويىنشا ۇشقىشسىز اۆتونومدى تٷردە قوزعالادى.
جوبانىڭ العاشقى كەزەڭٸندە تۋريستٸك باعىتتاردى دامىتۋ كٶزدەلگەن. ۇشقىشسىز ەۋە اپپاراتتارى قازاقستاننىڭ تابيعي جەنە تاريحي كٶرٸكتٸ جەرلەرٸنٸڭ ٷستٸنەن 5-30 مينۋتتىق ەكسكۋرسييالىق رەيستەر ورىندايدى. كەيٸننەن ولار شۇعىل مەديتسينالىق كٶمەك كٶرسەتۋگە, دەرٸ-دەرمەك جەتكٸزۋگە, قۇتقارۋ جەنە ٶرت سٶندٸرۋ جۇمىستارىنا, لوگيستيكا سالاسىنا پايدالانىلۋى مٷمكٸن.
سونىمەن قاتار جوبا قازاقستاندا مۇنداي اپپاراتتاردىڭ ٶندٸرٸسٸن كەزەڭ-كەزەڭٸمەن جەرگٸلٸكتەندٸرۋدٸ قاراستىرادى. بۇل جاڭا تەحنولوگييالىق ٶندٸرٸستەردٸ قالىپتاستىرىپ, قوسىمشا جۇمىس ورىندارىن اشۋعا جەنە ماشينا جاساۋ سالاسىنىڭ جاڭا باعىتتارىن دامىتۋعا مٷمكٸندٸك بەرەدٸ.
ٸس-شارا بارىسىندا Freedom Holding Corp. باس اتقارۋشى ديرەكتورى قۋانىشبەك ەسەكەەۆ بۇل تەحنولوگييالاردىڭ قازاقستاننىڭ تسيفرلىق ەكونوميكاسىن دامىتۋداعى ماڭىزىن اتاپ ٶتتٸ.
«سەلەمەتسٸز بە, قۇرمەتتٸ حانىمدار مەن مىرزالار! سٸزدەرمەن وزىق ەۋە تەحنولوگييالارىنىڭ كٶرسەتٸلٸمٸندە كەزدەسكەنٸمە قۋانىشتىمىن. بٷگٸن بٸز الىس ارمان تەحنولوگيياسى - ەلەكتر ۇشۋ اپپاراتىنىڭ كۋەسٸ بولىپ وتىرمىز. ەندٸ وعان پراكتيكالىق تەستتەن ٶتٸپ, جاڭا كٶلٸك جٷيەسٸنٸڭ بٸر بٶلٸگٸنە اينالۋدا. بٷگٸن تەستٸك ۇشۋ “بولاشاق ويىندارى” اياسىندا ٶتۋدە دە سيمۆولدىق مەنٸ بار. بۇل تۋرنير تسيفرلىق جەنە ناقتى ەلەمدٸ بٸرٸكتٸرٸپ, سپورتتىڭ, كوممۋنيكاتسييانىڭ ٶزارا ٸس-قيمىلىن, جاڭا فورماتىن قالىپتاستىرىپ جاتقانىن ايقىن كٶرسەتەدٸ. بۇل باتىل تەحنولوگييا يدەيالاردىڭ ناقتى شەشٸمدەرگە اينالۋىنىڭ جارقىن كەپٸلٸ», - دەدٸ ەسەكەەۆ.
كٶلٸك مينيسترٸ نۇرلان ساۋرانباەۆ مۇنداي جوبالار قازاقستان ٷشٸن جاڭا كٶلٸك سالاسىنىڭ نەگٸزٸن قالايتىنىن ايتتى.
«ەڭ الدىمەن ۇيىمداستىرۋشىلارعا العىس ايتقىم كەلەدٸ. ولار ٶتە ٷلكەن جۇمىس اتقاردى. ٶيتكەنٸ العاشقى قادامدى جاساۋ ەرقاشان وڭاي ەمەس. مەملەكەت تاراپىنان بارلىق قاجەتتٸ زاڭدار مەن نورماتيۆتٸك-قۇقىقتىق اكتٸلەر قابىلداندى. بۇل - ەكٸنشٸ كٶرسەتٸلٸم. بٷگٸن ٶزدەرٸڭٸز كٶردٸڭٸزدەر, العاش رەت ادامدى, ناقتى ايتقاندا مەنٸ, وسى اپپاراتپەن تاسىمالدادىق. مەنٸڭ ويىمشا, كەلەسٸ قادام وسىنداي ۇشقىشسىز اپپاراتتاردى تۋريستٸك باعىتتاردا پايدالانۋ بولادى», - دەدٸ مينيستر.
جۋرناليستەردٸڭ ۇشۋ ەسەرٸ تۋرالى سۇراعىنا جاۋاپ بەرگەن مينيستر اپپاراتتىڭ قاۋٸپسٸز ەكەنٸنە سەنٸم بٸلدٸردٸ.
«جوق. بٸرٸنشٸدەن, بۇل سىناقتان ٶتكەن تەحنولوگييا. ول قىتايدا بۇرىننان قولدانىلىپ كەلەدٸ, سوندىقتان ونىڭ قاۋٸپسٸزدٸگٸنە قاتىستى كٷمەن جوق», - دەدٸ ساۋرانباەۆ.
ول ۇشۋ كەزٸندە ويىنا كەلگەن العاشقى سٶزدٸ دە جاسىرمادى.
«قازاقستان, العا!» دەپ ويلادىم. بٸز بارلىق جاڭا تەحنولوگييالاردا الدىڭعى قاتاردا بولۋىمىز كەرەك. جاڭاشىلدىقتى بٸرٸنشٸ بولىپ قابىلداۋعا ۇمتىلۋىمىز قاجەت. سەبەبٸ بولاشاق - وسى تەحنولوگييالاردا», - دەدٸ مينيستر.
مينيستردٸڭ ايتۋىنشا, اپپارات ٶتە جۇمساق كٶتەرٸلەدٸ, الايدا ازداعان دٸرٸل مەن شۋ بايقالادى.
«ٶتە جۇمساق كٶتەرٸلەدٸ. بٸراق ازداپ دٸرٸل بولادى. ماعان الدىن الا ەسكەرتكەندٸكتەن, ەش الاڭداعان جوقپىن. يە, ازداپ شۋ بولادى. ۇشۋ رەجيمٸنە بايلانىستى. اپپارات العا قوزعالعان كەزدە ۆينتتەردٸڭ جۇمىسى ٶزگەرٸپ, سول كەزدە دىبىس كٷشتٸرەك ەستٸلەدٸ», - دەدٸ ول.
EHang كومپانيياسىنىڭ ٶكٸلٸ دەررەن قازاقستانداعى بٷگٸنگٸ كٶرسەتٸلٸمدٸ تاريحي وقيعا دەپ اتادى.
«بٷگٸن بٸز تاريحي وقيعانىڭ كۋەسٸ بولدىق. قازاقستانداعى العاشقى اشىق جولاۋشىلار ەۋە اپپاراتىنىڭ ۇشۋى جەنە ورتالىق ازيياداعى وسىنداي العاشقى رەيس جٷزەگە استى. بٷگٸندە EH216-S ەلەمنٸڭ 24 ەلٸندە 100 مىڭنان استام قاۋٸپسٸز ۇشۋدى ورىندادى. قازاقستان وسى تەحنولوگييا ەنگٸزٸلگەن 24-شٸ مەملەكەت بولدى. بۇل EH216-S ەندٸ بولاشاقتىڭ تۇجىرىمداماسى عانا ەمەس, بٷگٸن قولدانۋعا بولاتىن ناقتى ٶنٸم ەرٸ تەحنولوگييا ەكەنٸن بٸلدٸرەدٸ», - دەدٸ كومپانييا ٶكٸلٸ.
ونىڭ ايتۋىنشا, قازاقستاننىڭ كەڭ اۋماعى مەن تۋريستٸك ەلەۋەتٸ ۇشقىشسىز ەۋە جٷيەلەرٸن جولاۋشىلار تاسىمالى, تۋريزم, قۇتقارۋ وپەراتسييالارى جەنە مەديتسينالىق قىزمەت كٶرسەتۋ سيياقتى كٶپتەگەن باعىتتا پايدالانۋعا مٷمكٸندٸك بەرەدٸ.
Allur كومپانييالار توبىنىڭ باسقارما تٶراعاسى الەكساندر لاۆرەنتەۆ بۇل جوبانىڭ تەك تەحنولوگييا كٶرسەتٸلٸمٸ عانا ەمەس, قازاقستاندا جاڭا يندۋسترييا قالىپتاستىرۋدىڭ باستاماسى ەكەنٸن ايتتى.
«وسىدان بٸر اپتا بۇرىن “بولاشاق ويىندارىنىڭ” اشىلۋىندا بۇل ۇشۋ اپپاراتى تانىستىرىلعان بولاتىن. ال بٷگٸن بٸز وسى زاماناۋي تەحنولوگييانىڭ العاشقى اشىق كٶرسەتٸلٸم ۇشۋىن جٷزەگە اسىردىق. كٶرسەتٸلٸم ۇشۋى - تەك تەحنولوگييانى تانىستىرۋ ەمەس, جوبانى ناقتى ٸسكە اسىرۋدىڭ ماڭىزدى كەزەڭٸ. العاشقى كەزەڭدە تۋريستٸك باعىتتاردى دامىتۋ مەن وسى اپپاراتتاردى پايدالانۋعا قاجەتتٸ ينفراقۇرىلىمدى قالىپتاستىرۋ جوسپارلانىپ وتىر. كەلەسٸ كەزەڭدە بۇل اپپاراتتاردى قازاقستاندا ٶندٸرۋدٸ يگەرٸپ, كٷندەلٸكتٸ ٶمٸردە كەڭٸنەن قولدانۋعا مٷمكٸندٸك جاساۋ كٶزدەلگەن», - دەدٸ ول.
EHang كومپانيياسى الداعى ۋاقىتتا قازاقستاننىڭ كٶلٸك مينيسترلٸگٸ, Allur جەنە QazTehna كومپانييالارىمەن بٸرلەسٸپ بۇل تەحنولوگييالاردى تۇراقتى پايدالانۋعا ەنگٸزۋدٸ جەنە قاۋٸپسٸز, ينتەللەكتۋالدى ەرٸ ەكولوگييالىق تازا ەۋە موبيلدٸگٸن كٷندەلٸكتٸ ٶمٸردٸڭ بٸر بٶلٸگٸنە اينالدىرۋدى جوسپارلاپ وتىر.
