قازاقستاندا تۇرعىن ٷيدٸ جەر سٸلكٸنٸسٸ مەن سۋ تاسقىنىنان ساقتاندىرۋ مٸندەتتەلۋٸ مٷمكٸن

قازاقستاندا تابيعي اپاتتاردان كەلەتٸن شىعىنداردى ٶتەۋگە باعىتتالعان مٸندەتتٸ تۇرعىن ٷي ساقتاندىرۋىن ەنگٸزۋ ۇسىنىلدى. تيٸستٸ زاڭ جوباسى «اشىق نقا» پورتالىندا جارييالاندى, دەپ حابارلايدى dalanews.kz.

قۇجاتقا سەيكەس, تۇرعىن ٷيلەردٸ جەر سٸلكٸنٸسٸ, سۋ تاسقىنى, سەل جەنە ورمان ٶرتتەرٸ سيياقتى تابيعي تٶتەنشە جاعدايلاردان مٸندەتتٸ ساقتاندىرۋ كٶزدەلٸپ وتىر.

جىل سايىنعى ساقتاندىرۋ جارناسى 0,5-تەن 5 اەك-كە دەيٸن بولۋى مٷمكٸن. ناقتى مٶلشەرٸ باسپانانىڭ قۇنىنا جەنە ٶڭٸردەگٸ تابيعي قاۋٸپ دەڭگەيٸنە بايلانىستى بەلگٸلەنەدٸ.

مٸندەتتٸ ساقتاندىرۋ ٷكٸمەت تابيعي قاۋٸپ-قاتەر جوعارى ايماقتار دەپ ايقىندايتىن ٶڭٸرلەردەگٸ تۇراقتى تۇرۋعا ارنالعان تۇرعىن ٷيلەرگە قاتىستى قولدانىلماق. سونىمەن قاتار ەرٸكتٸ ساقتاندىرۋ پوليسٸنٸڭ بولۋى مەنشٸك يەسٸن مٸندەتتٸ ساقتاندىرۋ رەسٸمدەۋدەن بوساتپايدى.

زاڭ جوباسىنا سەيكەس, تۇرعىن ٷي تولىقتاي قيراعان جاعدايدا ساقتاندىرۋ تٶلەمٸ تٶلەنگەن جارنانىڭ 500 ەسەسٸنە دەيٸن, ال باسپانا ٸشٸنارا بٷلٸنسە 250 ەسەسٸنە دەيٸن جەتۋٸ مٷمكٸن.

سونداي-اق تٶتەنشە جاعداي جارييالانعاننان كەيٸن ساقتاندىرۋ پوليسٸن رەسٸمدەۋگە جول بەرٸلمەيدٸ. ەگەر ساقتاندىرۋ جاعدايى راستالسا, تٶلەمدٸ بەس جۇمىس كٷنٸ ٸشٸندە اۋدارۋ جوسپارلانىپ وتىر.

زاڭ جوباسىن ەزٸرلەۋشٸلەردٸڭ ايتۋىنشا, بۇل تەتٸك تابيعي اپاتتاردان زارداپ شەككەن ازاماتتارعا قارجىلىق قولداۋ كٶرسەتۋدٸ جەدەلدەتٸپ, بيۋدجەتكە تٷسەتٸن جٷكتەمەنٸ ازايتۋعا مٷمكٸندٸك بەرەدٸ.

ايتا كەتەيٸك, يۋنيسەف دەرەگٸنشە, قازاقستاندا 15 ملن ادام تابيعي اپاتتار قاۋپٸ بار ايماقتا تۇرادى.