قوعامدا قىزۋ تالقىلانعان سۇراقتىڭ تۇشىمدى جاۋابىن قاسىم امانجولدىڭ ازاتتىقتاعى «ەركٸن سٶز» باعدارلاماسىندا اقىن الماس احمەتبەك پەن ساياساتتانۋشى راسۋل جۇمالى انىق جەتكٸزدٸ. راسۋل جۇمالى شەتتەگٸ 5 ميلليون قازاق ٷشٸن قازاققا, كٶشٸ-قونعا شىنايى جانى اشيتىن ازاماتتاردىڭ پارلامەنتتە بولۋ كەرەكتٸگٸن, ونداي كٶشٸ-قون مەسەلەسٸن شەشەتٸن ادام شەتتەن كەلگەن-كەلمەگەنٸ ماڭىزدى ەمەس ەكەنٸن, قايدا تۋىلسا دا قازاققا شىنايى جانى اشيتىن ازامات بولۋى كەرەكتٸگٸن, كٶشٸ-قون مەسەلەسٸ – «ورالمانداردىڭ» عانا مەسەلەسٸ ەمەس ەكەندٸگٸن, بٷكٸل قازاققا ورتاق مەسەلە ەكەنٸن ايتتى. سونىمەن بٸرگە, 24 جىلدان بەرگٸ كەلگەن قانداستار اراسىندا ۇلتتىق مەسەلەلەردٸ كٶتەرٸپ جٷرگەن, قارىم- قابٸلەتٸ بار, دەپۋتات بولۋعا لايىقتى ازاماتتاردىڭ بار ەكەنٸن, ولار پارلامەنتكە بارىپ جاتسا, تەك قانا كٶشٸ-قون مەسەلەسٸن كٶتەرمەيتٸندٸگٸن, ۇلتتىق مەسەلەلەردٸڭ بەرٸندە ٷنسٸز قالمايتىندىعىن جەتكٸزدٸ. ال, الماس احمەتبەك مىرزا «قانداستاردان دەپۋتات شىقسىن دەگەن ۇسىنىستار ەشقانداي ارنايى جەڭٸلدٸك سۇراۋ ەمەستٸگٸن, پارتييالار تٸزٸمٸنەن سايلاۋعا تٷسۋگە مٷمكٸندٸكتەر بەرٸلسە» دەگەن تٸلەكتەرمەن پارتييا باسشىلارىنا ەسكەرتۋ ەكەنٸن ايتىپ ٶتتٸ.
جسدپ اتىنان ٷمٸتكەر بولىپ وتىرعان راحىم ايىپ اعامىز عانا ەمەس, ۇلتتىڭ ناعىز جاناشىرلارى ەرمۇرات باپي, زەۋرەش باتتالوۆا, قۇرمانعازى راحمەتوۆ سيياقتى ازاماتتار پارلامەنتكە ٶتٸپ جاتسا, بٸر ٷلكەن جەڭٸسپەن بٸردەي ەدٸ. بٸراق, بۇل قۇرامدى پارلامەنتكە ٶتكٸزە قويۋ ٶتە قيىن.
ەندٸگٸ ٷمٸت «اق جولدا» ەدٸ. ٷمٸتكەر قايىربەك كەمەڭگەردٸڭ (باستى بەتتەگٸ سۋرەتتە)ٶز سٶزٸ بويىنشا ايتقانداي:
«مەرەيٸم ٶسٸپ مەرەيٸڭمەنەن,
اتاجۇرت ساعان كەلەيٸن دەپ ەم,
بەرٸن دە سوسىن كٶرەيٸن دەپ ەم,
قازاقستاندا تۋماسام داعى,
قازاقستاندا ٶلەيٸن دەپ ەم», – دەپ كەلٸپ, قازاقتىڭ عىلىمى مەن وقۋ سالاسىندا ٶز ٷلەسٸن قوسىپ جٷرگەن, بٷگٸنگٸ قازاق بولمىسىنا الاش ۇستانى تۇرعىسىنان قارايتىن, قايدا جٷرسە دە ۇلت پەن تەۋەلسٸزدٸك مۇراتىن بيٸك قوياتىن ازات ەلدٸڭ ازات ازاماتى پارلامەنتكە بارىپ, قازاق ەلٸنٸڭ ەرتەڭٸ ٷشٸن ساياسي ٸسكە ارالاسىپ, ۇلتتىڭ سٶزٸن سٶيلەمەسكە نە? مۇنداي ۇستانىم مەن جولداعى ازاماتتار تەك قايىربەك كەمەڭگەر عانا ەمەس. ەل ەرتەڭٸنە ەڭبەك ەتۋگە قابٸلەتٸ جەتەتٸن تٷرلٸ سالانىڭ بٸلٸكتٸ مامانى رەتٸندە تانىلعان قانداستارىمىز بار. بٸراق, ولاردىڭ بەرٸ ەشبٸر پارتييا ٷمٸتكەرلەرٸنٸڭ ٸشٸندە بولمادى. ەلەمدەگٸ 17 ميلليون قازاقتىڭ بٸرٸ رەتٸندە, وتانىن اڭساپ جەتكەن ازاماتتىڭ بٸرٸنە ەل ساياساتىنا ارالاسۋعا مٷمكٸندٸك بەرگەن «اق جول» پارتيياسىنا راقمەتٸمدٸ ايتىپ, قايىربەك كەمەڭگەر مىرزانىڭ ٷمٸتكەر عانا بولىپ قالماي, پارلامەنتتٸڭ جاڭا قۇرامىنداعى بەلسەندٸ دەپۋتاتتىڭ بٸرٸ بولۋىنا تٸلەكتەستٸگٸمدٸ بٸلدٸرەمٸن.
«اق جول» پارتيياسىندا ۇلتتىق تۇرعىدا ويلاپ, ۇلتتىق مەسەلەلەردٸ كٶتەرٸپ جٷرگەن ازاماتتار از ەمەستٸگٸن وسىعان دەيٸن دە ايتقان ەدٸم. ەندٸ پارتييا جەتەكشٸلەرٸنە ايتار ٶتٸنٸشٸم مەن ەسكەرتۋٸم دە بار. سايلاۋدا داۋىس جيناپ, پارلامەنتتٸڭ جاڭا قۇرامىنان ون ورىن بۇيىرسا دا, تٸپتٸ بەس-اق ورىن بۇيىرىپ جاتسا دا, ونىڭ 3 ورنى «اق جولدىڭ» اتىنان شىعىپ, قالىڭ قازاقتىڭ ىقىلاسىنا بٶلەنٸپ جٷرگەن قازبەك يسا مەن جاستا بولسا, ۇلتتىڭ جٷگٸن كٶتەرۋگە دايىن ماقسات جاقاۋ, «جان ەمەس ماعان كەرەگٸ, كٶك تۋدىڭ جەلبٸرەگەنٸ» دەگەن ازاماتتىڭ بٸرٸ قايىربەك كەمەڭگەر سىندى ازاماتتارعا بەرٸلمەسە, «اق جولدىڭ» الاششىلدىعى مەن قازاقشىلدىعىنا كٷمەن كەلتٸرۋگە تۋرا كەلەدٸ. «اق جول» – كەسٸپكەرلەردٸڭ عانا قۇقىعىن قورعاماي, ايبىندى الاشتى تۋ ەتٸپ, بار قازاقتىڭ قۇقىن قورعاۋى كەرەك.
تۇردىبەك قۇرمەتحان
