ٸشكٸ ٸستەر مينيسترلٸگٸنٸڭ باسپاسٶز قىزمەتٸنٸڭ حابارلاۋىنشا, قازاقستاندا ەسٸرتكٸ بيزنەسٸنە قارسى جٷرگٸزٸلگەن كٷرەس نەتيجەسٸندە تٶرت ايدىڭ ٸشٸندە 20 ۇيىمداسقان قىلمىستىق توپتىڭ (ۇقت) جولى كەسٸلدٸ, دەپ حابارلايدى Dalanews.kz.
“تٶرت ايدا 3 مىڭعا جۋىق ەسٸرتكٸگە قاتىستى قۇقىقبۇزۋشىلىق انىقتالدى, ونىڭ ٸشٸندە 828 دەرەك – ەسٸرتكٸنٸ ساتۋ فاكتٸسٸ. جالپى كٶلەمٸ شامامەن 3,5 توننا ەسٸرتكٸ تەركٸلەندٸ. ونىڭ 259 كەلٸسٸ سينتەتيكالىق ەسٸرتكٸ, 2 تونناعا جۋىعى ماريحۋانا, ال 303 كەلٸسٸ گاشيش. 83 ەسٸرتكٸ زەرتحاناسىنىڭ ەرەكەتٸنە توسقاۋىل قويىلدى. سونىمەن قاتار, 6 تونناعا جۋىق پرەكۋرسور (ەسٸرتكٸ ٶندٸرٸسٸنە پايدالانىلاتىن حيمييالىق زاتتار) تەركٸلەندٸ. 20 ۇيىمداسقان قىلمىستىق توپ جويىلدى. زاڭسىز كونتەنت تاراتىپ كەلگەن 11 مىڭنان استام سايت بۇعاتتالىپ, 1 ميلليارد تەڭگەدەن استام قاراجات ساقتالعان 12 مىڭ بانك كارتاسى مەن شوتى بۇعاتتالدى. 1783 ادام ۇستالىپ, ولاردىڭ 669-ى قاماۋعا الىندى”, — دەدٸ قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ مٸندەتٸن اتقارۋشى دانييار مەيرحان.
ونىڭ ايتۋىنشا, سەۋٸر ايىندا بٸرنەشە سەتتٸ وپەراتسييا جٷرگٸزٸلگەن.
“قوسشى قالاسىندا اقمولا وبلىسىنىڭ تۋماسى ۇستالدى. كٶلٸگٸن تٸنتۋ كەزٸندە ودان 6,5 كەلٸ a-PVP سينتەتيكالىق ەسٸرتكٸسٸ تابىلدى. كەيٸنگٸ جەدەل شارالار بارىسىندا ونىڭ سىبايلاستارى – سولتٷستٸك قازاقستان وبلىسىنىڭ تۇرعىندارى قولعا تٷسٸپ, ولاردان تاعى 1 كەلٸ “سينتەتيكا” الىندى”, — دەپ حابارلادى ٸٸم.
سونداي-اق استانا قالاسىندا اقتٶبە تۇرعىنى ۇستالىپ, ودان 2,5 كەلٸ سينتەتيكالىق ەسٸرتكٸ تەركٸلەنگەن.
“بارلىق كٷدٸكتٸ ۋاقىتشا ۇستاۋ يزولياتورىنا قامالدى. بۇل باعىتتاعى جۇمىستار جالعاسۋدا”, — دەدٸ مەيرحان.
