قارجى ءمينيسترىنىڭ "قازاقستان رەسپۋبليكاسىنىڭ وڭىرلەرىندە سۋ تاسقىنىنان زارداپ شەككەن ادامدار ءۇشىن سالىقتىق اكىمشىلەندىرۋدى رەتتەۋدىڭ وزگە ءتارتىبىن بەلگىلەۋ تۋرالى" بۇيرىعى كۇشىنە ەندى، دەپ حابارلايدى Dalanews.kz.

قۇجات تج رەجيمى جاريالانعان وڭىرلەردەگى سۋ تاسقىنىنان زارداپ شەككەن ادامداردىڭ سالىق مىندەتتەمەلەرىن ورىنداۋ مەرزىمدەرىن ۇزارتۋعا باعىتتالعان.

اكىمدىك سۋ تاسقىنىنان زارداپ شەككەندەردىڭ تىزىمىنە ەنگىزگەن سالىق تولەۋشىلەر كەلەسى جەڭىلدىكتەردى پايدالانا الادى:

• تولەۋ مەرزىمى 2024 جىلعى 1 ناۋرىزدان باستاپ 30 ماۋسىمعا دەيىنگى كەزەڭدە باستالاتىن، بارلىق سالىق جانە بيۋدجەتكە تولەنەتىن باسقا دا مىندەتتى تولەمدەر، سونداي-اق الەۋمەتتىك تولەمدەر بويىنشا تولەۋ مەرزىمىن 2024 جىلعى 1 شىلدەگە دەيىن كەيىنگە قالدىرىلادى؛

• 2024 جىلعى 1 ناۋرىزدان باستاپ 30 ماۋسىمعا دەيىنگى كەزەڭدە باستالاتىن سالىق ەسەپتىلىگىن تاپسىرۋ مەرزىمدەرى 2024 جىلعى 1 شىلدەگە اۋىستىرىلادى؛

• مەرزىمىندە ورىندالماعان سالىق مىندەتتەمەسىنىڭ ورىندالۋىن قامتاماسىز ەتۋ جانە سالىق بەرەشەگىن ماجبۇرلەپ ءوندىرىپ الۋ شارالارىن قابىلداۋ 2024 جىلعى 1 شىلدەگە دەيىن توقتاتىلا تۇرادى؛
• ورىنداۋ مەرزىمى 2024 جىلعى 1 ناۋرىزدان باستاپ 30 ماۋسىمعا دەيىنگى كەزەڭدە باستالاتىن، كامەرالدىق باقىلاۋ ناتيجەلەرى بويىنشا مەملەكەتتىك كىرىستەر ورگاندارى انىقتاعان بۇزۋشىلىقتاردى جويۋ تۋرالى حابارلامانى ورىنداۋ مەرزىمى 2024 جىلعى 1 شىلدەگە دەيىن ۇزارتىلادى.

بۇدان وزگە، 2024 جىلعى 1 شىلدەگە دەيىن سالىقتىق تەكسەرۋلەر (كەشەندى، تاقىرىپتىق، قارسى، حرونومەتراجدىق تەكسەرۋلەر) توقتاتىلدى، بۇل رەتتە توقتاتا تۇرۋ مەرزىمى تەكسەرۋ جانە تالاپ قويۋ مەرزىمدەرىنە ەنگىزىلمەيدى.