Qarjy ministriniń "Qazaqstan Respýblikasynyń óńirlerinde sý tasqynynan zardap shekken adamdar úshin salyqtyq ákimshilendirýdi retteýdiń ózge tártibin belgileý týraly" buiryǵy kúshine endi, dep habarlaidy Dalanews.kz.
Qujat TJ rejimi jariialanǵan óńirlerdegi sý tasqynynan zardap shekken adamdardyń salyq mindettemelerin oryndaý merzimderin uzartýǵa baǵyttalǵan.
Ákimdik sý tasqynynan zardap shekkenderdiń tizimine engizgen salyq tóleýshiler kelesi jeńildikterdi paidalana alady:
- tóleý merzimi 2024 jylǵy 1 naýryzdan bastap 30 maýsymǵa deiingi kezeńde bastalatyn, barlyq salyq jáne biýdjetke tólenetin basqa da mindetti tólemder, sondai-aq áleýmettik tólemder boiynsha tóleý merzimin 2024 jylǵy 1 shildege deiin keiinge qaldyrylady;
-
2024 jylǵy 1 naýryzdan bastap 30 maýsymǵa deiingi kezeńde bastalatyn salyq eseptiligin tapsyrý merzimderi 2024 jylǵy 1 shildege aýystyrylady;
- merziminde oryndalmaǵan salyq mindettemesiniń oryndalýyn qamtamasyz etý jáne salyq bereshegin májbúrlep óndirip alý sharalaryn qabyldaý 2024 jylǵy 1 shildege deiin toqtatyla turady;
- oryndaý merzimi 2024 jylǵy 1 naýryzdan bastap 30 maýsymǵa deiingi kezeńde bastalatyn, kameraldyq baqylaý nátijeleri boiynsha memlekettik kirister organdary anyqtaǵan buzýshylyqtardy joiý týraly habarlamany oryndaý merzimi 2024 jylǵy 1 shildege deiin uzartylady.
Budan ózge, 2024 jylǵy 1 shildege deiin salyqtyq tekserýler (keshendi, taqyryptyq, qarsy, hronometrajdyq tekserýler) toqtatyldy, bul rette toqtata turý merzimi tekserý jáne talap qoiý merzimderine engizilmeidi.
