مەجٸلٸس دەپۋتاتتارى مەملەكەتتٸك قىزمەتشٸلەرگە كەسٸپكەرلٸك قىزمەتپەن اينالىسۋعا رۇقسات بەرەتٸن زاڭ جوباسىن بٸرٸنشٸ وقىلىمدا ماقۇلدادى. وعان سەيكەس, مەسەلەن ەندٸ ٷكٸمەت مٷشەلەرٸنە باسپاناسىن جالعا بەرٸپ تە تابىس تابۋىنا مٷمكٸندٸك بەرٸلەدٸ, دەپ جازادى Dalanews.kz.
"كونستيتۋتسييالىق سوت "سىبايلاس جەمقورلىققا قارسى ٸس-قيمىل تۋرالى" زاڭنىڭ 13-بابىندا مەملەكەتتٸك قىزمەتشٸلەرگە تەڭەستٸرٸلگەن ادامداردىڭ بيزنەسپەن اينالىسۋىنا سالاتىن تىيىمدى كونستيتۋتسيياعا قايشى دەپ شەشتٸ. ولاردىڭ قاتارىنا رمك, كوممۋنالدىق كەسٸپورىندار, كوممۋنالدىق مەملەكەتتٸك مەكەمەلەر, ونىڭ ٸشٸندە مەكتەپتەردە, اۋرۋحانالاردا باسقارۋشىلىق فۋنكتسييالاردى اتقاراتىندار جاتادى (بٸرٸنشٸ باسشىلار, ولاردىڭ ورىنباسارلارى, مەملەكەتتٸك ساتىپ الۋ دەپارتامەنتتەرٸنٸڭ باسشىلارى, فيليال باسشىلارى)", - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ بٸرٸنشٸ ورىنباسارى ۇلان سارقۇلوۆ 2 قازاندا ٶتكەن مەجٸلٸستٸڭ جالپى وتىرىسىندا.
الايدا بيزنەسپەن اينالىسۋ ٷشٸن مەملەكەتتٸك قىزمەتشٸلەرگە بٸرنەشە ماڭىزدى تالاپتار قويىلادى ەكەن.
"بٸرٸنشٸدەن, تيٸستٸ بيزنەسٸ ولاردىڭ لاۋازىمدىق مٸندەتتەرٸن ورىنداۋىنا كەدەرگٸ كەلتٸرمەۋٸ قاجەت. ەكٸنشٸدەن, ەڭ باستىسى, جەكە قىزمەتٸنە مەملەكەتتٸڭ مٷلكٸن پايدالانۋىنا جول بەرمەۋٸ كەرەك. ٷشٸنشٸدەن, لاۋازىمدىق مٸندەتتەرٸ مەن بيزنەس مٷددەلەرٸنٸڭ شيەلەنٸسۋٸنە جول جوق. دەگەنمەن, ۇلتتىق كومپانييالار مەن ۇلتتىق حولدينگتەردٸڭ قاتارداعى قىزمەتكەرلەرٸ قازٸردٸڭ ٶزٸندە زاڭمەن تىيىم سالىنباعان كەز كەلگەن كەسٸپكەرلٸك قىزمەتپەن اينالىسۋعا قۇقىلى, ٶيتكەنٸ ولار "مەملەكەتتٸك فۋنكتسييالاردى ورىنداۋعا ۋەكٸلەتتٸك بەرٸلگەن ادامدارعا تەڭەستٸرٸلگەندەر" دەگەن ساناتقا جاتپايدى", – دەپ اتاپ ٶتتٸ تٶراعا ورىنباسارى.
ال سايلاۋ كوميسسييالارىندا, ۇلتتىق بانكتە, قارجى نارىعىن رەتتەۋ جەنە دامىتۋ اگەنتتٸگٸندە جەنە اۆياتسييالىق ەكٸمشٸلٸكتە باستى لاۋازىمدى قىزمەتتەردٸ اتقاراتىندار, سونداي-اق ۇلتتىق حولدينگتەر مەن كومپانييالاردىڭ مەنەدجەرلەرٸ ٷشٸن بۇل رەتتەگٸ تىيىم ٶز كٷشٸن ساقتايدى.
سونداي-اق, زاڭنامادان شەنەۋنٸكتەرگە پەتەرٸن جالعا بەرٸپ, تابىس تابۋىنا سالىنعان نورما دا الىنىپ تاستالماق.
"ياعني, ٷكٸمەت مٷشەلەرٸ باسقا ساياسي مەملەكەتتٸك قىزمەتشٸلەر سەكٸلدٸ ٶزدەرٸنە تيەسٸلٸ باسپانانى جالعا بەرە الادى", - دەپ سٶزٸن تٷيٸندەدٸ ۇلان سارقۇلوۆ.
ايتا كەتسەك, قازاقستاندا مەملەكەتتٸك قىزمەتشٸلەرگە قويىلاتىن تالاپتار ٶزگەرتٸلدٸ. مەملەكەت باسشىسى قاسىم-جومارت توقاەۆ 2024 جىلعى 31 شٸلدەدە وسى سيپاتتاعى جارلىققا قول قويدى.
