قازاقستاندا شەگىرتكە زيانكەستەرىنە قارسى كۇرەس جۇرگىزۋ ماقساتىندا 53 درون ساتىپ الىندى، دەپ حابارلايدى Dalanews.kz اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.
تۇركىستان وبلىسىندا درونداردى قولدانۋ بويىنشا پيلوتتىق جوبا تيىمدىلىگىن كورسەتكەننەن كەيىن، ينۆەستيسيالىق سۋبسيديالاۋ ەرەجەلەرىنە وزگەرىستەر ەنگىزىلدى. ەندى اگروونەركاسىپتىك كەشەن سۋبەكتىلەرى ساتىپ الىنعان اگرودروندار مەن جەرۇستى بۇرىككىشتەردىڭ قۇنىنىڭ 25%-ىن مەملەكەتتەن وتەماقى رەتىندە الا الادى.
سونىمەن قاتار، اگرودرونداردى 5% جەڭىلدىكپەن اۋىل شارۋاشىلىعى تەحنيكاسىن ليزينگكە الۋ باعدارلاماسىنا ەنگىزۋ بويىنشا «قازاگروفينانس» اق ارقىلى جۇمىستار جۇرگىزىلۋدە.
ۇكىمەت رەزەرۆى ەسەبىنەن ساتىپ الىنعان 53 دروننىڭ جەتەۋى شەگىرتكەنىڭ دەرناسىلدەرىن باقىلاۋعا، ال قالعان 46-سى حيميالىق وڭدەۋ جۇمىستارىنا قولدانىلادى.
بيىل ماماندار شەگىرتكەنىڭ ءۇيىرلى تۇرلەرى 2،1 ملن گەكتار اۋماققا تارالۋى مۇمكىن دەپ بولجاپ وتىر. 5000 مامان 38 ملن گەكتار جەردى زەرتتەيدى. سونداي-اق، بۇركۋ تەحنيكاسىنىڭ سانى 443 بىرلىككە دەيىن كوبەيتىلەدى. جۇمىستاردى ۇيلەستىرۋ ءۇشىن بارلىق وبلىستاردا جەدەل شتابتار قۇرىلماق.
