Qazaqstanda shegirtke zıankesterine qarsy kúres júrgizý maqsatynda 53 dron satyp alyndy, dep habarlaıdy Dalanews.kz Aýyl sharýashylyǵy mınıstrliginiń baspasóz qyzmetine silteme jasap. 

Túrkistan oblysynda drondardy qoldaný boıynsha pılottyq joba tıimdiligin kórsetkennen keıin, ınvestısıalyq sýbsıdıalaý erejelerine ózgerister engizildi. Endi agroónerkásiptik keshen sýbektileri satyp alynǵan agrodrondar men jerústi búrikkishterdiń qunynyń 25%-yn memleketten ótemaqy retinde ala alady.

Sonymen qatar, agrodrondardy 5% jeńildikpen aýyl sharýashylyǵy tehnıkasyn lızıńke alý baǵdarlamasyna engizý boıynsha «QazAgroFınans» AQ arqyly jumystar júrgizilýde.

Úkimet rezervi esebinen satyp alynǵan 53 dronnyń jeteýi shegirtkeniń dernásilderin baqylaýǵa, al qalǵan 46-sy hımıalyq óńdeý jumystaryna qoldanylady.

Bıyl mamandar shegirtkeniń úıirli túrleri 2,1 mln gektar aýmaqqa taralýy múmkin dep boljap otyr. 5000 maman 38 mln gektar jerdi zertteıdi. Sondaı-aq, búrký tehnıkasynyń sany 443 birlikke deıin kóbeıtiledi. Jumystardy úılestirý úshin barlyq oblystarda jedel shtabtar qurylmaq.