قازاقستاندا شاعىن جەنە ورتا بيزنەسكە ارنالعان جاڭا مەملەكەتتٸك «ٸسكەر ايماق» باعدارلاماسىنىڭ پارامەترلەرٸ تانىستىرىلدى, دەپ حابارلايدى Dalanews.kz.
«5 جەلتوقساندا «التىن ساپا» جەنە «پارىز» سىيلىقتارىنىڭ لاۋرەاتتارىن ماراپاتتاۋ رەسٸمٸندە مەملەكەت باسشىسى ٷكٸمەتكە جاڭا سالىق كودەكسٸنٸڭ كەيبٸر نورمالارى بويىنشا كەسٸپكەرلەردٸڭ ٶتٸنٸشتەرٸن تالداپ, تەڭدەستٸرٸلگەن شەشٸم قابىلداۋدى تاپسىردى. بۇل – جالپىۇلتتىق ماڭىزى بار مٸندەت رەتٸندە قارالدى. وسى تاپسىرماعا جاۋاپ رەتٸندە «ٸسكەر ايماق» اتتى بٸرٸككەن شاعىن بيزنەسكە قولداۋ كٶرسەتۋ باعدارلاماسى ەزٸرلەندٸ. باعدارلاما «امانات» پارتيياسى جەنە «اتامەكەن» ۇلتتىق كەسٸپكەرلەر پالاتاسىمەن بٸرلەسە ەزٸرلەندٸ», – دەدٸ ٷكٸمەت وتىرىسىندا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين.
مينيستردٸڭ ايتۋىنشا, باعدارلاما شاعىن كەسٸپكەرلٸكتٸ, ەسٸرەسە اۋىلدى ەلدٸ مەكەندەر مەن كٸشٸ قالالاردى دامىتۋعا باعىتتالعان.
«باعدارلاما قاراپايىم, جىلدام ٸسكە اسىرىلاتىن جوبالارعا باسىمدىق بەرەدٸ جەنە ەلەۋمەتتٸك-ەكونوميكالىق تيٸمدٸلٸكتٸ تەز قامتاماسىز ەتەدٸ. پروگرامما اياسىندا اۋىل شارۋاشىلىعى شيكٸزاتىن ٶڭدەۋ, تەرٸ ٶڭدەۋ, ميني-توقاش فابريكالارى, سٷت جەنە ەت ٶنٸمدەرٸنٸڭ جارتىلاي فابريكاتتارى, تاماق ٶندٸرٸسٸ, اعاش ٶڭدەۋ, جيھاز تسەحتارى, قۇرىلىس ماتەريالدارىن ٶندٸرۋ, قولٶنەر جەنە باسقا دا جەرگٸلٸكتٸ قوسىلعان قۇن تٸزبەكتەرٸن قالىپتاستىراتىن باعىتتار قولداۋ الادى», – دەپ تٷسٸندٸردٸ سەرٸك جۇمانعارين.
باعدارلامانىڭ نەگٸزگٸ تەسٸلٸ – ٶڭٸرلەردٸ كەسٸپكەرلٸكتٸ دامىتۋعا قوسىمشا جاۋاپكەرشٸلٸككە تارتۋ, ياعني جەرگٸلٸكتٸ اتقارۋشى ورگاندار ٶڭٸرلٸك ەلەۋەت پەن قاجەتتٸلٸكتەردٸ ەسكەرە وتىرىپ, باسىم سالالاردىڭ قوسىمشا تٸزٸمٸن قالىپتاستىرادى.
باعدارلاما ەكٸ دەڭگەيلٸ سۋبسيدييا جٷيەسٸن قاراستىرادى. بٸرٸنشٸ دەڭگەي – اباي, ۇلىتاۋ, جەتٸسۋ, سولتٷستٸك قازاقستان جەنە قىزىلوردا وبلىستارىنا بيۋدجەت سۋبسيدييالارىنىڭ 30%-ىنا دەيٸن بٶلٸنۋٸ. ەكٸنشٸ دەڭگەي – قالعان ٶڭٸرلەرگە 70%-عا دەيٸن بٶلٸنۋٸ. قارجىلاندىرۋعا قولجەتٸمدٸلٸك سۋبسيدييالاۋ جەنە كەپٸلدٸك مەحانيزمدەرٸنٸڭ ٷيلەسٸمٸ ارقىلى قامتاماسىز ەتٸلەدٸ. مۇندا «دامۋ» قورى نەگٸزگٸ قارىزدىڭ 80%-ىنا دەيٸن كەپٸلدٸك بەرۋگە دايىن.
باعدارلاما ٷش ٶزارا بايلانىستى باعىتتا ٸسكە اسىرىلادى:
- قارجىلىق قولداۋ – نەسيەگە پايىزدىق ستاۆكا بويىنشا سۋبسيدييالار, كەپٸلدٸك بەرۋ ارقىلى شاعىن بيزنەسكە نەسيە الۋ قۇنىن تٶمەندەتۋ.
- قارجىلىق ەمەس قولداۋ – سالالىق ونلاين وقىتۋ, سەرۆيستٸك جەنە كونسۋلتاتسييالىق قولداۋ ارقىلى كەسٸپكەرلەردٸڭ بٸلٸكتٸلٸگٸن ارتتىرۋ.
- ينفراقۇرىلىمدىق قولداۋ – ٶندٸرٸستٸك جەنە كوممۋنالدىق ينفراقۇرىلىمعا قولجەتٸمدٸلٸك, جەڭٸلدەتٸلگەن جالعا الۋ, جەر ۋچاسكەلەرٸن بەرۋ.
جۇمانعارين اتاپ ٶتكەندەي, قازٸرگٸ ۋاقىتتا «اۋىل اماناتى», «بٸر اۋىل – بٸر ٶنٸم» سيياقتى باعدارلامالار ٸسكە اسىرىلىپ كەلەدٸ. وسى باعدارلامالار اياسىندا جٷزەگە اسىرىلاتىن جوبالار, سونىڭ ٸشٸندە اۋىل شارۋاشىلىعى كووپەراتيۆتەرٸ, «ٸسكەر ايماق» باعدارلاماسى اياسىندا قوسىمشا قولداۋ الادى جەنە سۋبسيدييا, ينفراقۇرىلىمدىق جەنە قارجىلىق ەمەس مەملەكەتتٸك قولداۋ ٷشٸن بٸرٸنشٸ كەزەكتە قارالادى.
باعدارلامانىڭ جالپى نەسيە كٶلەمٸ جىلىنا شامامەن 400 ملرد تەڭگەنٸ قۇرايدى. 2026 جىلى سۋبسيدييالارعا قاجەتتٸ قاراجات – 24 ملرد تەڭگە, ال بٸرٸنشٸ جىلى 5 مىڭنان استام جوبا قولداۋ الادى. باعدارلاماعا ميكرو- جەنە شاعىن كەسٸپكەرلٸك سۋبەكتٸلەرٸ قاتىسا الادى. بٸر جوباعا ماكسيمالدى نەسيە كٶلەمٸ – 200 ملن تەڭگە. سۋبسيدييا – نومينالدى مٶلشەرلەمەنٸڭ 40%-ى, مەرزٸمٸ – 3 جىلعا دەيٸن, ۇزارتۋسىز.
مينيستردٸڭ مەلٸمەتٸنشە, باعدارلاما 2026–2028 جىلدارى ٸسكە اسىرىلسا:
- شامامەن 23 مىڭ جوبانى قولدايدى;
- 1,2 ترلن تەڭگە كٶلەمٸندە نەسيە بەرٸلەدٸ;
- بيۋدجەت قولداۋى – 127 ملرد تەڭگە.
كٷتٸلەتٸن مۋلتيپليكاتيۆتٸك ەسەرٸ:
- سالىق تٷسٸمدەرٸ – 157 ملرد تەڭگە;
- ٶنٸم شىعارىلىمى – 1,4 ترلن تەڭگە;
- 7 مىڭ جاڭا جۇمىس ورنى قۇرىلىپ, 136 مىڭ جۇمىس ورنى ساقتالادى.
باعدارلاما تسيفرلىق شەشٸمدەر ارقىلى باسقارىلاتىن بولادى: egov.business جەنە Damu Online پورتالدارى ارقىلى ٶتٸنٸم بەرۋ, «بٸر تەرەزە» قاعيداتى, جوبالاردى ناقتى ۋاقىت رەجيمٸندە مونيتورينگتەۋ. ينتەرنەت جوق شالعاي اۋىلدار ٷشٸن موبيلدٸ كەڭسەلەر (اۆتوبۋستار) ارقىلى كەڭەس بەرۋ جەنە مەملەكەتتٸك قولداۋ شارالارىن تٷسٸندٸرۋ ۇيىمداستىرىلادى.
