ق ر قارجى مينيسترلىگىنىڭ مەملەكەتتىك كىرىستەر كوميتەتى ادامعا باعدارلانعان ءتاسىلدى كەڭەيتىپ، سالىق سالۋ سالاسىنداعى مەملەكەتتىك قىزمەتتەردىڭ ساپاسىن ارتتىرۋ بويىنشا جۇمىستى جالعاستىرۋدا. اتالعان ماقساتتا بارلىق مەملەكەتتىك كىرىستەر ورگاندارىندا "قىزىل تۇيمە" - QR-كود ورنالاستىرىلعان. ونى سكانەرلەۋ ارقىلى سالىق تولەۋشىلەر ناقتى پروبلەمالىق جاعدايدى كورسەتە وتىرىپ، مەملەكەتتىك كىرىستەر كوميتەتىنىڭ ءتوراعاسىنا تىكەلەي جۇگىنۋ مۇمكىندىگىنە يە بولادى، دەپ حابارلايدى Dalanews.kz.
ايتا كەتسەك، "قىزىل تۇيمە" تەك سالىقتىق جانە كەدەندىك قىزمەتتەردى الۋ بارىسىندا تۋىندايتىن قيىندىقتار جونىندەگى حابارلامالار ءۇشىن ارنالعان. بۇل مەحانيزم قىزمەتكەرلەر تاراپىنان جىبەرىلگەن تەرىس قىلىقتاردى، قۇقىقبۇزۋشىلىقتاردى نەمەسە ادال ەمەس ارەكەتتەردى انىقتاۋعا جانە الدىن الۋعا باعىتتالعان سىبايلاس جەمقورلىققا قارسى ساياساتتىڭ ءبىر بولىگى بولىپ تابىلادى.
ءوتىنىش نىسانى قاراپايىم جانە ءينتۋيتيۆتى تۇردە تۇسىنىكتى، ونى بىرنەشە مينۋت ىشىندە تولتىرۋعا بولادى. قاجەت بولعان جاعدايدا ءوتىنىشتى ءانونيمدى تۇردە دە قالدىرۋعا بولادى.
مەملەكەتتىك كىرىستەر كوميتەتى مەملەكەتتىك قىزمەتتەردى الۋ كەزىندە كەدەرگىلەرگە نەمەسە ساپاسىز قىزمەت كورسەتۋگە تاپ بولعان ازاماتتاردى وسى مۇمكىندىكتى پايدالانۋعا شاقىرادى.
"ءسىزدىڭ داۋىسىڭىز سالىقتىق جانە كەدەندىك اكىمشىلەندىرۋ جۇيەسىنىڭ ءتيىمدى، اشىق جانە كليەنتكە باعدارلانعان بولۋىنا ىقپال ەتەتىن ماڭىزدى قۇرال. مەملەكەت پەن قوعامنىڭ بىرلەسكەن كۇش-جىگەرى عانا قىزمەت كورسەتۋ ساپاسىن ارتتىرىپ، سەنىم دەڭگەيىن كوتەرە الادى"، دەلىنگەن حابارلامادا.
