الماتى وبلىسى جامبىل اۋدانى ٷلكەن اۋىلى ماڭىندا قۋاتتىلىعى 2–2,8 گۆت بولاتىن اتوم ەلەكتر ستانتسيياسىن سالۋ مەسەلەسٸ تالقىلانىپ جاتىر, دەپ حابارلايدى Dalanews.kz.
مينيسترلٸك ٶكٸلدەرٸنٸڭ مەلٸمەتٸنشە, يادرولىق تەحنولوگييا جەتكٸزۋشٸ ەلەۋەتتٸ كومپانييالارمەن كەلٸسسٶزدەر جٷرگٸزٸلٸپ جاتىر. سونىمەن قاتار ۇسىنىستاردى بەسەكەلەستٸك نەگٸزدە قاراستىراتىن ٷكٸمەتارالىق كوميسسييا قۇرىلعان.
“بالامالى جەنە جاڭارتىلاتىن ەنەرگييا كٶزدەرٸن, سونداي-اق گاز گەنەراتسيياسىن ەنگٸزۋ ەلەكتر ەنەرگيياسىن تۇتىنۋداعى كٶمٸر گەنەراتسيياسىنىڭ ٷلەسٸن ايتارلىقتاي ازايتۋعا مٷمكٸندٸك بەرەدٸ”, – دەلٸنگەن قر ەنەرگەتيكا مينيسترلٸگٸ تاراتقان حابارلامادا.
جوسپار بويىنشا, 2035 جىلعا قاراي كٶمٸرقىشقىل گازى قالدىقتارىن جىلىنا 44 ملن تونناعا ازايتۋ كٶزدەلگەن.
“قازٸرگٸ تاڭدا ەنەرگييا كٶزدەرٸ شتاتتىق رەجيمدە جۇمىس ٸستەپ تۇر, ال جىلىتۋ ماۋسىمى تۇراقتى تٷردە ٶتٸپ جاتىر. جٷزەگە اسىرىلىپ جاتقان بارلىق جوبا العاشقى رەسۋرستارمەن جەتكٸلٸكتٸ دەڭگەيدە قامتاماسىز ەتٸلگەن”, – دەپ تولىقتىردى ۆەدومستۆو.
ايتا كەتەيٸك, 2 قىركٷيەكتە قاسىم-جومارت توقاەۆ قازاقستاندا اتوم ەلەكتر ستانتسيياسىن سالۋ بويىنشا رەفەرەندۋم ٶتكٸزۋ تۋرالى جارلىققا قول قويدى.
ال رەفەرەندۋم بويىنشا داۋىس بەرۋ 6 قازاندا ٶتتٸ. بۇل رەتتە اەس سالۋدى داۋىس بەرگەندەردٸڭ 71,12 پايىزى قولدادى. رەفەرەندۋمعا داۋىس بەرۋ تٸزٸمٸنە 12,3 ميلليونعا جۋىق قازاقستاندىق ەنگٸزٸلگەن.
بۇعان دەيٸن توقاەۆ شەتەلدٸك ينۆەستورلار كەڭەسٸنٸڭ 36-شى پلەنارلىق وتىرىسىندا قازاقستان اەس قۇرىلىسى ٷشٸن حالىقارالىق كونسورتسيۋم قۇرۋ مەسەلەسٸن پىسىقتاپ جاتقانىن مەلٸمدەگەن ەدٸ.
“بٸزدٸڭ ەلٸمٸز يادرولىق وتىن تسيكلٸ اياقتالعان دەرلٸك ەلەمدەگٸ ەڭ ٸرٸ ۋران ٶندٸرۋشٸ سانالادى. ٶزدەرٸڭٸز دە بٸلەتٸندەي, جاقىندا ٶتكەن جالپىۇلتتىق رەفەرەندۋمدا قازاقستاندا العاشقى اتوم ەلەكتر ستانتسيياسىنىڭ قۇرىلىسى ماقۇلداندى. بۇل بٸزدٸڭ ەنەرگەتيكالىق قاۋٸپسٸزدٸگٸمٸزگە ۇزاق مەرزٸمدٸ ينۆەستيتسييا سانالادى. قازٸرگٸ ۋاقىتتا بٸز وسى جوبا ٷشٸن حالىقارالىق كونسورتسيۋم قۇرۋ مەسەلەسٸن پىسىقتاپ جاتىرمىز”, — دەدٸ قاسىم-جومارت توقاەۆ.
قازاقستان ىقتيمال تەحنولوگييا جەتكٸزۋشٸسٸ رەتٸندە تٶرت كومپانييانى قاراستىرىپ جاتىر. ولار, رەسەيلٸك "روساتوم", قىتايدىڭ CNNC, كورەيانىڭ KHNP جەنە فرانتسييانىڭ EDF كومپانييالارى.
ەسكە سالايىق, رەسەيدٸڭ سىرتقى ٸستەر مينيسترٸ لاۆروۆ تا قازاقستاندا بٸرٸنشٸ اتوم ەلەكتر ستانتسيياسىن سالۋ جٶنٸندەگٸ حالىقارالىق كونسورتسيۋمعا قاتىسۋعا دايىن ەكەنٸن مەلٸمدەگەن ەدٸ.
"رەسەي كٶمەكتەسۋمەن عانا شەكتەلمەي, اەس قۇرىلىسىنا قاتىستى ۇسىنىستارىن دا دايىنداپ قويدى. بٸز قازاقستاندا ٶتكەن رەفەرەندۋمدى مۇقييات باقىلاپ, پرەزيدەنت توقاەۆتىڭ اتوم ەنەرگەتيكاسىن دامىتۋ جوسپارلارىنا قولداۋ كٶرسەتتٸك. "روساتوم" وسى مەسەلەدە قازاقستاندىق دوستارىمىزبەن بٸرلەسٸپ جۇمىس ٸستەۋگە تولىق دايىن. سونداي-اق باسقا مەملەكەتتەردٸڭ تيٸستٸ اگەنتتٸكتەرٸمەن جەنە قۇرىلىمدارىمەن ىنتىماقتاسۋعا اشىقپىز", – دەدٸ لاۆروۆ.
