قازاقستاندا قوي ەتٸ سوڭعى بٸر جىلدا ايتارلىقتاي قىمباتتادى. 2025 جىلدىڭ قورىتىندىسى بويىنشا ەلدە قوي ەتٸنٸڭ باعاسى 29%-عا ٶسٸپ, بٸر تونناسىنىڭ قۇنى 1,3 ملن تەڭگەگە جەتكەن. بۇل رەتتە قازاقستان بٸرٸككەن اراب ەمٸرلٸكتەرٸنە حالال ەت ەكسپورتىن دا كٶبەيتٸپ جاتىر, دەپ حابارلايدى dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, 2026 جىلدىڭ ناۋرىزىندا ەلدەگٸ قوي مەن ەشكٸ سانى 23,17 ملن باستى قۇراعان. ال 1975 جىلدىڭ سوڭىندا بۇل كٶرسەتكٸش 34,6 ملن بولعان. كەڭەس دەۋٸرٸندە قازاقستان قوي شارۋاشىلىعى جاقسى دامىعان ٸرٸ رەسپۋبليكالاردىڭ بٸرٸ سانالدى. تٸپتٸ مال باسىن 50 ملن-عا دەيٸن جەتكٸزۋ جوسپارى دا بولعانىمەن, بۇل ماقسات ورىندالماعان.
رەسمي دەرەكتەرگە سەيكەس, 2001 جىلى بٸر توننا قوي ەتٸ 88,3 مىڭ تەڭگە تۇرسا, قازٸر ونىڭ باعاسى 1,3 ملن تەڭگەگە جەتكەن. وسىلايشا, 25 جىل ٸشٸندە قۇنى 14 ەسەدەن استام ٶسكەن. 2026 جىلدىڭ ناۋرىزىنداعى ەسەپ بويىنشا تٸرٸ قويدىڭ ورتاشا باعاسى 86,3 مىڭ تەڭگەنٸ قۇرادى. ەڭ جوعارى باعا جامبىل وبلىسىندا تٸركەلگەن — بٸر قويدىڭ قۇنى 112 مىڭ تەڭگەدەن اسادى. ال باتىس قازاقستان وبلىسىندا شامامەن 63,5 مىڭ تەڭگە دەڭگەيٸندە.
ساراپشىلاردىڭ ايتۋىنشا, بٸر قويدى كٷتٸپ-باعۋعا اي سايىن ورتا ەسەپپەن 9 مىڭ تەڭگە جۇمسالادى. سونىڭ سالدارىنان بٸر جىلدىق شىعىن 100 مىڭ تەڭگەدەن اسادى. ال 400 باسقا ارنالعان شارۋاشىلىقتىڭ ٶزٸن-ٶزٸ اقتاۋ مەرزٸمٸ ٷش جىلدان دا كٶپ بولۋى مٷمكٸن.
قازاقستان سوڭعى جىلدارى باە-گە قوي ەتٸن بەلسەندٸ ەكسپورتتاي باستادى. قازٸر ەمٸرلٸكتەرگە اپتا سايىن شامامەن 7 توننا سالقىنداتىلعان قوي ەتٸ جٶنەلتٸلەدٸ. بولاشاقتا بۇل كٶلەمدٸ 10 تونناعا دەيٸن جەتكٸزۋ جوسپارلانىپ وتىر.
2025 جىلدىڭ قورىتىندىسى بويىنشا قازاقستاننىڭ باە-گە ەكسپورتى 132,9 ملن دوللار بولعان. ونىڭ شامامەن 55%-ىن قوي ەتٸ قۇرايدى. ساراپشىلار پارسى شىعاناعى ەلدەرٸندە حالال ەتكە سۇرانىس تۇراقتى تٷردە جوعارى ەكەنٸن ايتادى.
تەۋەلسٸز ساراپشى ەرلان كاريموۆتىڭ پٸكٸرٸنشە, قوي ەتٸنٸڭ قىمباتتاۋىنا جەم-شٶپ, جانارماي جەنە لوگيستيكا باعاسىنىڭ ٶسۋٸ ەسەر ەتكەن. سونىمەن قاتار ٸشكٸ نارىقتاعى دەلدالداردىڭ كٶپتٸگٸ مەن ماۋسىمدىق سۇرانىس تا باعانىڭ كٶتەرٸلۋٸنە سەبەپ بولىپ وتىر.
ونىڭ ايتۋىنشا, ەكسپورت كٶبٸنە كٶتەرمە جەنە ۇزاقمەرزٸمدٸ كەلٸسٸمشارتتار ارقىلى جٷزەگە اسادى. سوندىقتان سىرتقى نارىقتاعى باعا كەي جاعدايدا ٸشكٸ بٶلشەك ساۋدادان تٶمەن بولۋى مٷمكٸن. بۇعان قوسا, قازاقستاندىق ٶندٸرۋشٸلەر اۆسترالييا, ٷندٸستان جەنە پەكٸستان سيياقتى ەلدەرمەن بەسەكەگە تٷسٸپ جاتىر.
ساراپشى باعانى تۇراقتاندىرۋ ٷشٸن ەكسپورتقا ۋاقىتشا شەكتەۋ ەنگٸزۋ, جەم-شٶپتٸ سۋبسيدييالاۋ, ٶڭٸرلٸك بورداقىلاۋ ورتالىقتارىن اشۋ جەنە قوي شارۋاشىلىعىنا جەڭٸلدەتٸلگەن نەسيە بەرۋ قاجەت دەپ ەسەپتەيدٸ.
