پرەزيدەنت قاسىم-جومارت توقاەۆ "پسيحولوگييالىق قىزمەت تۋرالى" زاڭعا قول قويدى. بۇل تۋرالى اقوردانىڭ باسپاسٶز قىزمەتٸ حابارلادى.
زاڭنىڭ تولىق مەتٸنٸ رەسمي باسپاسٶزدە جارييالانادى.
بۇعان دەيٸن ايتىلعانداي, قۇجاتتىڭ باستى ماقساتى – قازاقستاندا پسيحولوگييالىق قىزمەت كٶرسەتۋدٸڭ قۇقىقتىق, ۇيىمدىق جەنە ەدەپتٸك نەگٸزدەرٸن ناقتىلاۋ.
جاڭا زاڭعا سەيكەس, پسيحولوگ رەتٸندە جۇمىس ٸستەيتٸن ماماندارعا بٸرقاتار تالاپ قويىلادى. اتاپ ايتقاندا, ولاردىڭ جوعارى نەمەسە جوعارى وقۋ ورنىنان كەيٸنگٸ پەداگوگيكالىق نە مەديتسينالىق بٸلٸمٸ بولۋى كەرەك. سونىمەن قاتار ماماندار جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىندا كەمٸندە 900 ساعاتتىق قايتا دايارلاۋدان ٶتٸپ, بٸلٸكتٸلٸگٸن راستاۋعا مٸندەتتٸ.
بۇدان بٶلەك, پسيحولوگتار مەملەكەتتٸك تٸركەۋگە تۇرۋى تيٸس. وسى ماقساتتا ەلدە پسيحولوگتاردىڭ مەملەكەتتٸك تٸزٸلٸمٸ قۇرىلادى. مامانداردى تٸركەۋ تەرتٸبٸن كەسٸبي بٸلٸكتٸلٸكتٸ تانۋ سالاسىنداعى ۋەكٸلەتتٸ ورگان بەكٸتەدٸ.
زاڭدا پسيحولوگتاردىڭ قىزمەتٸنە قاتىستى شەكتەۋلەر دە قاراستىرىلعان. مەسەلەن, ولارعا مەديتسينالىق دياگنوستيكا جٷرگٸزۋگە, دەرٸ-دەرمەكپەن ەم تاعايىنداۋعا, پسيحوبەلسەندٸ زاتتاردى نەمەسە ادامنىڭ ساناسىنا ەسەر ەتەتٸن ٶزگە دە ەدٸستەردٸ قولدانۋعا تىيىم سالىنادى.
سونداي-اق پسيحولوگتار كەمەلەتكە تولماعان بالالارمەن اتا-اناسىنىڭ نەمەسە زاڭدى ٶكٸلٸنٸڭ حاباردار ەتٸلگەن كەلٸسٸمٸنسٸز جۇمىس ٸستەي المايدى. الايدا بۇل تالاپ بٸلٸم بەرۋ ۇيىمدارىنداعى جۇمىسقا, سونداي-اق زاڭناماعا سەيكەس كٶمەك كٶرسەتٸلەتٸن تٶتەنشە جەنە داعدارىستىق جاعدايلارعا قولدانىلمايدى.
كەز كەلگەن پسيحولوگييالىق جۇمىس باستالماس بۇرىن كليەنت ٶزٸنٸڭ حاباردار ەتٸلگەن كەلٸسٸمٸن بەرۋٸ قاجەت.
زاڭ تالاپتارىن بۇزعان پسيحولوگتارعا ايىپپۇل سالىنادى.
