سەمەي گارنيزونى اسكەري سوتى وزىنە سەنىپ تاپسىرىلعان بوتەننىڭ مۇلكىن ىسىرىپ قىلدى دەپ ايىپتالعان اسكەري ءبولىم وفيسەرىنە قاتىستى قىلمىستىق ءىستى قارادى، دەپ حابارلايدى Dalanews.kz.
سوت مالىمەتىنشە، سوتتالۋشى و. شتابتىڭ توپوگرافيالىق قىزمەتىنىڭ باستىعى بولا تۇرا، ءوزىنىڭ قىزمەتتىك بابىن پايدالانىپ، بۋكمەكەرلىك سايتتا ستاۆكا قويىپ ۇتىلىپ، جەكە باسىنداعى قارىزداردىڭ كوبەيۋىنە بايلانىستى پايداكۇنەمدىك ماقساتتا اسكەري بولىمگە تيەسىلى توپوگرافيالىق قۇرىلعىلاردى لومباردقا وتكىزگەن.
"ناتيجەسىندە مەملەكەتكە 2 ميلليون تەڭگەدەن استام زالال كەلتىرىلگەن. سوت ۇكىمى بويىنشا، سوتتالۋشى و. قك-نىڭ 189-بابى 3 بولىگىنىڭ 2) تارماعىمەن كىنالى دەپ تانىلىپ، وعان 2 جىل 6 اي مەرزىمگە باس بوستاندىعىنان ايىرۋ تۇرىندەگى جازا تاعايىندالدى"، - دپەلىنگەن حابارلامادا.
قك-نىڭ 49-بابى، 1-بولىگىنە سايكەس "كاپيتان" اسكەري اتاعىنان ايىرىلدى. سونداي-اق، سوتتالعاننان مەملەكەت پايداسىنا ماتەريالدىق شىعىن مەن مەملەكەتتىك باج سالىعى ءوندىرىلدى.
ۇكىم زاڭدى كۇشىنە ەنگەن جوق.
