قازاقستاندا 2026 جىلدىڭ قاڭتار–تامىز ايلارىندا مۇناي ٶندٸرۋ كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 8,4%-عا ازايدى, دەپ حابارلايدى dalanews.kz.
ٷكٸمەت جارييالاعان ٶندٸرٸستٸك كٶرسەتكٸشتەرگە سەيكەس, سەگٸز ايدا ەلدە 61,7 ميلليون توننا مۇناي ٶندٸرٸلگەن. ناقتى كٶلەم يندەكسٸ (نكي) 91,6%-دى قۇرادى.
سونىمەن قاتار تامىز ايىندا ٶندٸرٸس قارقىنى بٸرشاما جاندانعانى بايقالادى. قاڭتار–شٸلدە ارالىعىندا ٶندٸرٸلگەن مۇناي كٶلەمٸ 53,2 ميلليون توننانى قۇراسا, ناقتى كٶلەم يندەكسٸ 91,1% بولعان. بۇل سالاداعى جاعدايدىڭ بٸرتٸندەپ قالپىنا كەلە باستاعانىن كٶرسەتەدٸ.
وسىعان بايلانىستى ٷكٸمەت 2026 جىلعا ارنالعان مۇناي ٶندٸرۋ بولجامىن قايتا قارادى. بۇعان دەيٸن جوسپارلانعان 100,5 ميلليون توننا كٶرسەتكٸش الدىمەن 98 ميلليون تونناعا دەيٸن تٶمەندەتٸلسە, قازٸر جىلدىق جوسپار 96 ميلليون توننا بولىپ بەكٸتٸلدٸ.
بولجامنىڭ قىسقارۋىنا بٸرنەشە فاكتور ەسەر ەتكەن. اتاپ ايتقاندا, جىل باسىندا تەڭٸز كەن ورنىنداعى ترانسفورماتورلاردىڭ ٸستەن شىعۋى ٶندٸرٸس كٶلەمٸنە كەرٸ ىقپال ەتتٸ. سونداي-اق كاسپيي قۇبىر كونسورتسيۋمى (كقك) ينفراقۇرىلىمىنا جاسالعان ۇشقىشسىز ۇشۋ اپپاراتتارىنىڭ شابۋىلدارى دا مۇناي تاسىمالى مەن ٶندٸرۋ كٶرسەتكٸشتەرٸنە ەسەرٸن تيگٸزگەن.
