قازاقستاندا مەملەكەتتٸك قولداۋ العان بانكتەرگە قاتىستى جاڭا تالاپتار ەنگٸزٸلۋٸ مٷمكٸن. قارجى نارىعىن رەتتەۋ جەنە دامىتۋ اگەنتتٸگٸ بانكتەردٸڭ مەملەكەتتەن العان قارجىسىن قايتارۋ تەرتٸبٸنە ٶزگەرٸستەر ەنگٸزۋدٸ ۇسىنىپ وتىر, دەپ حابارلايدى dalanews.kz.
قازٸرگٸ قولدانىستاعى تالاپ بويىنشا, ەگەر مەملەكەتتٸك قولداۋ العان بانك اكتسيونەرلەرٸنە ديۆيدەند تٶلەۋگە نەمەسە ٶز اكتسييالارىن كەرٸ ساتىپ الۋعا شەشٸم قابىلداسا, مەملەكەتتەن العان قاراجاتتىڭ تيٸستٸ بٶلٸگٸن ٷش اي ٸشٸندە قايتارۋعا مٸندەتتٸ. ەندٸ بۇل مەرزٸمدٸ قايتارىلاتىن سوماعا قاراي سارالاۋ ۇسىنىلدى.
اتاپ ايتقاندا, قايتارىلاتىن سوما 50 ملرد تەڭگەگە دەيٸن بولسا, قازٸرگٸ ٷش ايلىق مەرزٸم ٶزگەرٸسسٸز قالادى. ال 50-100 ملرد تەڭگە ارالىعىنداعى قاراجاتتى قايتارۋعا 12 ايعا دەيٸن, ال 100 ملرد تەڭگەدەن اساتىن سومانى ٶتەۋگە 18 ايعا دەيٸن ۋاقىت بەرۋ كٶزدەلگەن.
سونىمەن قاتار نەگٸزگٸ تالاپ ٶزگەرمەيدٸ. ياعني بانك مەملەكەتكە اكتسيونەرلەرگە ديۆيدەند تٶلەۋگە نەمەسە ٶز اكتسييالارىن كەرٸ ساتىپ الۋعا جۇمساعان قاراجات كٶلەمٸنەن كەم ەمەس سومانى قايتارۋى تيٸس.
اگەنتتٸك بۇل ٶزگەرٸستەر بانكتەردٸڭ مەملەكەت الدىنداعى مٸندەتتەمەسٸن جەڭٸلدەتپەيتٸنٸن, تەك تٶلەم مەرزٸمٸن يكەمدٸرەك ەتەتٸنٸن اتاپ ٶتتٸ. مۇنداي تەسٸل ٸرٸ كٶلەمدەگٸ تٶلەمدەر كەزٸندە بانكتەردٸڭ ٶتٸمدٸلٸگٸنە تٷسەتٸن جٷكتەمەنٸ ازايتىپ, قارجى ۇيىمدارىنا كاپيتالدى تيٸمدٸرەك باسقارۋعا مٷمكٸندٸك بەرەدٸ.
ۇسىنىلىپ وتىرعان تٷزەتۋلەر قارجىلىق تۇراقتىلىعىن قامتاماسىز ەتۋ ٷشٸن مەملەكەتتٸك بيۋدجەتتەن, ۇلتتىق قوردان, ۇلتتىق بانكتەن نەمەسە ونىڭ ەنشٸلەس ۇيىمدارىنان قولداۋ العان بانكتەرگە قاتىستى بولادى.
قۇجاتتا جاڭا نورمالاردى 2026 جىلعى 1 ماۋسىمنان باستاپ تۋىنداعان قۇقىقتىق قاتىناستارعا قولدانۋ ۇسىنىلعان. قازٸرگٸ ۋاقىتتا جوبا قوعامدىق تالقىلاۋ كەزەڭٸنەن ٶتٸپ جاتىر.
