"قۇرمەتتە جەرلەستەر، شۇعىل بريفينگ وتكىزۋگە ءماجبۇرمىز.
وكىنىشكە وراي بۇگىن كوروناۆيرۋس ءبىر ادامنىڭ ءومىرىن جالمادى. مارقۇمنىڭ تۋعان-تۋىستارىنا قايعىرىپ كوڭىل ايتامىز. بۇل وتە اۋىر قايعى، بۇل قازا بارلىعىمىزعا اسا اۋىر سوققى.
ەرتەڭ بۇعان قاتىستى نۇر-سۇلتان قالاسىنىڭ دەنساۋلىق ساقتاۋ باسقارماسى ەگجەي-تەگجەيلى مالىمەت بەرەدى. بۇل قازا كوروناۆيرۋستىڭ قانشالىقتى ءقاۋىپتى ەكەنىن دالەلدەپ وتىر. بۇگىنگى احۋال بارلىعىمىز ءۇشىن سىناق.
دارىگەرلەردىڭ وقشاۋلانۋ، بايلانىسقا تۇسپەۋ، كارانتين مەن توتەنشە جاعدايدى ساقتاۋ تۋرالى بارلىق تالاپتارى مەن نۇسقاۋلارىن ورىنداۋ قاجەت"، – دەدى داۋرەن ابايەۆ "حابار 24" ارناسىنىڭ تىكەلەي ەفيرىندە.
قازاقستانداعى كوروناۆيرۋس بويىنشا 26 ناۋرىزداعى 21:00-دەگى جاعداي
كوروناۆيرۋس ىندەتىن جۇقتىرعان تاعى 2 ادام قاراعاندى قالاسىندا تىركەلدى.
وسى ساعاتتا نۇر-سۇلتان قالاسى بويىنشا 61 ادام،
الماتى قالاسىندا – 40 ادام،
قاراعاندى قالاسىندا - 4 ادام،
شىمكەنت قالاسىندا - 2 ادام،
الماتى وبلىسىندا - 1 ادام،
اقتوبە وبلىسىندا - 1 ادام،
جامبىل وبلىسىندا -1 ادام،
سولتۇستىك قازاقستان وبلىسىندا - 1 ادام
ازىرگە جالپى سانى 111 ناۋقاس تىركەلدى.
