"Qurmette jerlester, shuǵyl brifing ótkizýge májbúrmiz.
Ókinishke orai búgin koronavirýs bir adamnyń ómirin jalmady. Marqumnyń týǵan-týystaryna qaiǵyryp kóńil aitamyz. Bul óte aýyr qaiǵy, bul qaza barlyǵymyzǵa asa aýyr soqqy.
Erteń buǵan qatysty Nur-Sultan qalasynyń Densaýlyq saqtaý basqarmasy egjei-tegjeili málimet beredi. Bul qaza koronavirýstyń qanshalyqty qaýipti ekenin dáleldep otyr. Búgingi ahýal barlyǵymyz úshin synaq.
Dárigerlerdiń oqshaýlaný, bailanysqa túspeý, karantin men tótenshe jaǵdaidy saqtaý týraly barlyq talaptary men nusqaýlaryn oryndaý qajet", – dedi Dáýren Abaev "Habar 24" arnasynyń tikelei efirinde.
Qazaqstandaǵy koronavirýs boiynsha 26 naýryzdaǵy 21:00-degi jaǵdai
Koronavirýs indetin juqtyrǵan taǵy 2 adam Qaraǵandy qalasynda tirkeldi.
Osy saǵatta Nur-Sultan qalasy boiynsha 61 adam,
Almaty qalasynda – 40 adam,
Qaraǵandy qalasynda - 4 adam,
Shymkent qalasynda - 2 adam,
Almaty oblysynda - 1 adam,
Aqtóbe oblysynda - 1 adam,
Jambyl oblysynda -1 adam,
Soltústik Qazaqstan oblysynda - 1 adam
Ázirge jalpy sany 111 naýqas tirkeldi.
