قازاقستاندا ٶز رەيتينگ اگەنتتٸگٸن قۇرۋ جوسپارلانىپ وتىر. بۇل باستاما بيزنەسكە نەسيەنٸ تيٸمدٸ شارتتارمەن الۋعا مٷمكٸندٸك بەرەدٸ, دەپ حابارلايدى Dalanews.kz.
بۇل تۋرالى مەجٸلٸس وتىرىسىندا قارجى نارىعىن رەتتەۋ جەنە دامىتۋ اگەنتتٸگٸ تٶرايىمى مادينا ەبٸلقاسىموۆا مەلٸمدەدٸ.
ونىڭ ايتۋىنشا, قازٸرگٸ تاڭدا ەلدە كومپانييالارعا رەيتينگتٸ نەگٸزٸنەن Standard & Poor’s, Moody’s, Fitch سيياقتى حالىقارالىق ۇيىمدار بەرەدٸ. ال قازاقستاندا ۇلتتىق رەيتينگ جٷيەسٸ مەن تولىققاندى قۇقىقتىق بازا ەلٸ قالىپتاسپاعان. سوندىقتان رەيتينگتەر كٶبٸنە ٸرٸ كومپانييالار مەن قارجى ۇيىمدارىنا عانا بەرٸلەدٸ.
مادينا ەبٸلقاسىموۆا جاڭا جٷيە شاعىن جەنە ورتا بيزنەسكە كاپيتال نارىعىنا شىعۋدى جەڭٸلدەتەتٸنٸن اتاپ ٶتتٸ. بۇل قارىز الۋ قۇنىن تٶمەندەتٸپ, اقپاراتتىق تەڭسٸزدٸكتٸ ازايتىپ, ەميتەنتتەردٸڭ اشىقتىعىن ارتتىرۋعا مٷمكٸندٸك بەرەدٸ. سونىمەن قاتار بانكتەر, زەينەتاقى قورلارى مەن ساقتاندىرۋ ۇيىمدارى سيياقتى ينستيتۋتسيونالدىق ينۆەستورلار ٷشٸن ينۆەستيتسييالاۋ مٷمكٸندٸگٸ كەڭەيەدٸ.
جاڭا اگەنتتٸك قۇرامىنا قازاقستان ۇلتتىق بانكٸ, حالىقارالىق رەيتينگ اگەنتتٸكتەرٸ جەنە قارجى ۇيىمدارى كٸرەدٸ. ۇلتتىق بانكتٸڭ قاتىسۋى باعالاۋدىڭ تۇراقتىلىعى مەن سەنٸمدٸلٸگٸن قامتاماسىز ەتۋ ٷشٸن قاجەت.
اگەنتتٸككە قويىلاتىن تالاپتار دا ناقتى بەلگٸلەنەدٸ. اتاپ ايتقاندا, جارعىلىق كاپيتال شامامەن 10 ملرد تەڭگە دەڭگەيٸندە بولادى دەپ كٷتٸلۋدە.
رەيتينگتەردٸڭ تەۋەلسٸزدٸگٸن ساقتاۋ ٷشٸن ساراپشىلارعا قويىلاتىن تالاپتار كٷشەيتٸلەدٸ. ولاردىڭ ەڭبەكاقىسى كليەنتتەردٸڭ تابىسىنا تەۋەلدٸ بولماۋى تيٸس, مٸندەتتٸ روتاتسييا ەنگٸزٸلەدٸ جەنە اففيليرلەنۋگە شەكتەۋلەر قويىلادى. سونىمەن قاتار رەيتينگتەلەتٸن كومپانييالاردىڭ قارجى قۇرالدارىنا يەلٸك ەتۋگە تىيىم سالىنادى.
باسشىلىق قۇرامىنا دا قاتاڭ تالاپتار قويىلادى: تيٸستٸ بٸلٸم, تەجٸريبە جەنە مٸنسٸز ٸسكەرلٸك بەدەل قاجەت.
قازاقستاندىق رەيتينگ اگەنتتٸگٸ رەتتەۋشٸگە تۇراقتى تٷردە ەسەپ بەرٸپ وتىرۋعا مٸندەتتەلەدٸ. ول ٶز رەيتينگتەرٸ, ەدٸستەمەلەرٸ مەن ستاتيستيكاسى تۋرالى اقپاراتتى اشىق جارييالاپ, ٸشكٸ باقىلاۋ جەنە تەۋەكەلدەردٸ باسقارۋ جٷيەسٸن ەنگٸزۋٸ تيٸس.
سونىمەن قاتار جاڭا اگەنتتٸك تەك باعالاۋ جٷرگٸزٸپ قانا قويماي, قاداعالاۋ فۋنكتسيياسىن دا اتقارادى. ول قازاقستان نارىعىنا قانداي حالىقارالىق رەيتينگ اگەنتتٸكتەرٸ جٸبەرٸلەتٸنٸن انىقتاپ, ولاردىڭ قىزمەتٸن باقىلاپ, قاجەت بولعان جاعدايدا ليتسەنزيياسىنان ايىرا الادى.
