قازاقستاندا جەرلەۋ ءراسىمىنىڭ باعالارى ءوسىپ جاتىر، - دەپ حابارلايدى Dalanews.kz.
Finprom.kz مالىمەتىنشە، قازاقستاندا جەرلەۋ قىزمەتتەرىنىڭ قۇنى 5%-عا وسكەن. بۇل رەتتە ءبىر وڭىردە باعا بىردەن ءبىر جارىم ەسە وسكەن.
2024 جىلى ەلدە 133 مىڭعا جۋىق ادام قايتىس بولعان، بۇل الدىڭعى جىلمەن سالىستىرعاندا 1،7%-عا كوپ.
ەڭ كوپ ءولىم-جىتىم الماتى (12،2 مىڭ ادام)، قاراعاندى (10،6 مىڭ ادام) جانە تۇركىستان وبلىستارىندا (10،1 مىڭ ادام) تىركەلگەن.
كەيىنگى كەزدە قازاقستاندىقتار جەرلەۋ قىزمەتتەرىنە سيرەك جۇگىنەتىن بولعان.
"مۇنداي قىزمەتتەردىڭ كولەمى ەكىنشى جىل قاتارىنان تومەندەپ كەلەدى. 2024 جىلى ول 2022 جىلمەن سالىستىرعاندا ءۇش ەسەگە جۋىق قىسقارعان. ادامدار قوسىمشا شىعىنداردان باس تارتادى نەمەسە قولجەتىمدى بالامالاردى ىزدەيدى"، – دەيدى ساراپشىلار.
سۇرانىس ازايعانىمەن، ءبىر جىل ىشىندە باعا شامامەن 5%-عا وسكەن.
باعا ايتارلىقتاي وسكەنى مىنا وڭىرلەردە تىركەلدى:
- باتىس قازاقستان وبلىسى – باعا ءبىر جارىم ەسەگە جۋىق وسكەن؛
- جەتىسۋ وبلىسى – +23،1%؛
- اقتوبە وبلىسى – +11،1%؛
- قاراعاندى وبلىسى – +6،7%؛
- اباي وبلىسى – +6،1%؛
- الماتى وبلىسى – +4،1%.
جالپى العاندا ەلدەگى 20 ءوڭىردىڭ 11-ىندە قىزمەت قۇنى ءوستى. قالعان وڭىرلەردە باعا وزگەرىسسىز قالدى، ءبىراق تومەندەمەدى.
