Qazaqstanda jerleý rásiminiń baǵalary ósip jatyr, - dep habarlaidy Dalanews.kz.
Finprom.kz málimetinshe, Qazaqstanda jerleý qyzmetteriniń quny 5%-ǵa ósken. Bul rette bir óńirde baǵa birden bir jarym ese ósken.
2024 jyly elde 133 myńǵa jýyq adam qaitys bolǵan, bul aldyńǵy jylmen salystyrǵanda 1,7%-ǵa kóp.
Eń kóp ólim-jitim Almaty (12,2 myń adam), Qaraǵandy (10,6 myń adam) jáne Túrkistan oblystarynda (10,1 myń adam) tirkelgen.
Keiingi kezde qazaqstandyqtar jerleý qyzmetterine sirek júginetin bolǵan.
"Mundai qyzmetterdiń kólemi ekinshi jyl qatarynan tómendep keledi. 2024 jyly ol 2022 jylmen salystyrǵanda úsh esege jýyq qysqarǵan. Adamdar qosymsha shyǵyndardan bas tartady nemese qoljetimdi balamalardy izdeidi", – deidi sarapshylar.
Suranys azaiǵanymen, bir jyl ishinde baǵa shamamen 5%-ǵa ósken.
Baǵa aitarlyqtai óskeni myna óńirlerde tirkeldi:
- Batys Qazaqstan oblysy – baǵa bir jarym esege jýyq ósken;
- Jetisý oblysy – +23,1%;
- Aqtóbe oblysy – +11,1%;
- Qaraǵandy oblysy – +6,7%;
- Abai oblysy – +6,1%;
- Almaty oblysy – +4,1%.
Jalpy alǵanda eldegi 20 óńirdiń 11-inde qyzmet quny ósti. Qalǵan óńirlerde baǵa ózgerissiz qaldy, biraq tómendemedi.
