پاۆلودار وبلىسىندا 67 جاستاعى تۇرعىنعا ورماننان اعاشتاردى رۇقساتسىز الىپ كەتكەنٸ ٷشٸن ايىپپۇل سالىندى, دەپ حابارلايدى dalanews.kz.
ەر ادام ورماندا جەلدەن قۇلاپ, قۋراپ جاتقان توعىز اعاشتى كٶرگەن. ول اعاشتاردى ارالاپ, وتىن رەتٸندە پايدالانۋ ٷشٸن كٶلٸگٸمەن ەكٸ رەت ٷيٸنە ەكەتكەن.
الايدا بۇل اعاشتار "ەرتٸس ورمانى" تابيعي رەزەرۆاتىنىڭ اۋماعىندا جاتقان. سوندىقتان ولاردى رۇقساتسىز كەسٸپ, الىپ كەتۋگە بولمايدى.
سوت ەر ادامنىڭ ەرەكەتٸن ۇساق ۇرلىق دەپ تانىدى. وعان 43 250 تەڭگە ايىپپۇل سالىندى. سونىمەن قاتار زەينەتكەر جەبٸرلەنۋشٸلەرگە ٶتەماقى قورىنا 21 625 تەڭگە تٶلەۋگە مٸندەتتەلدٸ.
