قازاقستاندا جەڭىلدەتىلگەن اۆتونەسيە ەندى بەرىلمەيتىن بولدى، - دەپ حابارلايدى Dalanews.kz Qaz365.kz-كە سىلتەپ.
قازاقستان ۇكىمەتى جەڭىلدەتىلگەن اۆتونەسيە ماسەلەسىن ءبىر جارىم جىل بۇرىن جاپقان، قاراجات تەك قوعامدىق كولىكتى دامىتۋعا جۇمسالادى. بۇل تۋرالى ونەركاسىپ جانە قۇرىلىس ءمينيسترى قانات شارلاپايەۆ مالىمدەدى.
«بۇل جەردە ءبىز دۇرىس شەشىم قابىلدادىق دەپ سانايمىن. جەڭىلدىكپەن نەسيەلەۋگە ەشكىمنىڭ ەشقاشان كوڭىلى تولمايدى. بۇل تۇسىنىكتى دە، سەبەبى ادام تىم كوپ، ال وعان جۇمساۋعا بولاتىن اقشا تىم از. اۆتوكولىك وندىرۋشىلەر دە، قارجى نارىعى دا ءبىر ورنىندا تۇرمايدى. ۇكىمەت اۆتوكولىك ساتىپ الۋدى جەڭىلدەتۋ ءۇشىن جەكە تۇلعالارعا ارنالعان ليزينگ ەنگىزۋ تۋرالى تۇزەتۋدى زاڭنامالىق دەڭگەيدە قولدادى»، - دەدى شارلاپايەۆ ۇكىمەتتە وتكەن باسپا ءسوز ءماسليحاتىندا.
سونداي-اق، ونىڭ ايتۋىنشا، كولىك ساتۋمەن اينالىساتىن كومپانيالاردىڭ وزدەرى ءتۇرلى قارجىلىق قۇرالدار ەنگىزىپ، كولىكتى ءبولىپ تولەۋ ارقىلى ساتىپ جاتىر. ال جەڭىلدەتىلگەن اۆتونەسيەلەۋگە باعىتتالعان قاراجات وڭىرلەردە قوعامدىق كولىكتى دامىتۋعا جۇمسالدى.
