Qazaqstanda jeńildetilgen avtonesıe endi berilmeıtin boldy, - dep habarlaıdy Dalanews.kz Qaz365.kz-ke siltep.

Qazaqstan úkimeti jeńildetilgen avtonesıe máselesin bir jarym jyl buryn japqan, qarajat tek qoǵamdyq kólikti damytýǵa jumsalady. Bul týraly ónerkásip jáne qurylys mınıstri Qanat Sharlapaev málimdedi.

«Bul jerde biz durys sheshim qabyldadyq dep sanaımyn. Jeńildikpen nesıeleýge eshkimniń eshqashan kóńili tolmaıdy. Bul túsinikti de, sebebi adam tym kóp, al oǵan jumsaýǵa bolatyn aqsha tym az. Avtokólik óndirýshiler de, qarjy naryǵy da bir ornynda turmaıdy. Úkimet avtokólik satyp alýdy jeńildetý úshin jeke tulǵalarǵa arnalǵan lızıń engizý týraly túzetýdi zańnamalyq deńgeıde qoldady», - dedi Sharlapaev úkimette ótken baspasóz máslıhatynda.

Sondaı-aq, onyń aıtýynsha, kólik satýmen aınalysatyn kompanıalardyń ózderi túrli qarjylyq quraldar engizip, kólikti bólip tóleý arqyly satyp jatyr. Al jeńildetilgen avtonesıeleýge baǵyttalǵan qarajat óńirlerde qoǵamdyq kólikti damytýǵa jumsaldy.