قازاقستاندا 2025 جىلدىڭ ٸ-توقسانىندا قىزمەتكەرلەردٸڭ ورتاشا جالاقىسى 423,1 مىڭ تەڭگەنٸ قۇراپ, ٶتكەن جىلمەن سالىستىرعاندا 9,2%-عا كٶبەيدٸ. الايدا ينفلياتسييانىڭ جوعارى دەڭگەيٸنەن حالىقتىڭ شىنايى ساتىپ الۋ مٷمكٸندٸگٸ تەك 1,2%-عا عانا جاقساردى. بۇل تۋرالى Finprom.kz ساراپشىلارىنىڭ سارامتاماسىندا ايتىلادى, دەپ حابارلايدى Dalanews.kz.
ٶڭٸرلٸك كٶرسەتكٸشتەردە ەڭ جوعارى جالاقى اتىراۋ (634,2 مىڭ تەڭگە), ماڭعىستاۋ (621,3 مىڭ تەڭگە) جەنە ۇلىتاۋ (599 مىڭ تەڭگە) وبلىستارىندا تٸركەلسە, ەڭ تٶمەنگٸ جالاقى سولتٷستٸك قازاقستان (300,1 مىڭ تەڭگە), جەتٸسۋ (308,4 مىڭ تەڭگە) جەنە جامبىل (308,9 مىڭ تەڭگە) وبلىستارىندا بايقالعان.
"ەلٸمٸزدٸڭ 20 ٶڭٸرٸنٸڭ التاۋىندا حالىقتىڭ شىنايى تابىسى تٶمەندەپ كەتكەن. بۇل دەگەنٸمٸز – اتالعان ٶڭٸرلەردەگٸ جالاقى مٶلشەرٸ بٸر جىل بۇرىنعى ساتىپ الۋ قابٸلەتٸن قامتاماسىز ەتە المايدى. اتاپ ايتساق, باتىس قازاقستان وبلىسىندا ساتىپ الۋ قابٸلەتٸ 5,2%-عا, اتىراۋ وبلىسىندا 3,9%-عا, شىعىس قازاقستان وبلىسىندا 1,9%-عا, قىزىلوردا وبلىسىندا 1,2%-عا, اقمولا وبلىسىندا 1,1%-عا جەنە ماڭعىستاۋ وبلىسىندا 0,8%-عا تٶمەندەگەن", - دەيدٸ ساراپشىلار.
قاراعاندى وبلىسى – جالعىز ٶزگەرٸسسٸز قالعان ٶڭٸر. ال ٶزگە ايماقتاردا حالىقتىڭ ساتىپ الۋ مٷمكٸندٸگٸ 0,6%-دان (اباي وبلىسى) 9,1%-عا دەيٸن (ۇلىتاۋ وبلىسى) ٶسكەن.
"جالپى, بيىل قاڭتار-ماۋسىم ارالىعىندا ينفلياتسييا دەڭگەيٸ رەسپۋبليكا بويىنشا 10,4%-عا جەتتٸ. ونىڭ ٸشٸندە اسا قىمباتشىلىق استانا قالاسىندا (12,4%), اقمولا (10,8%) جەنە قاراعاندى (10,6%) وبلىستارىندا بايقالدى. ال باعا ٶسٸمٸ ەڭ تٶمەن ايماقتار – الماتى (7,3%), پاۆلودار (7,6%) جەنە جامبىل (7,8%) وبلىستارى".
سونىمەن قاتار, DEMOSCOPE زەرتتەۋ ورتالىعىنىڭ مەلٸمەتٸنشە, حالىقتىڭ كٶپشٸلٸگٸ قوسىمشا قۇن سالىعىنىڭ (ققس) 12%-دان 16%-عا كٶتەرٸلۋٸنە قارسى بولىپ شىقتى. ازاماتتاردىڭ 56,7%-ى بۇل سالىق رەفورماسىن قولدامايتىنىن ايتقان. ساۋالناماعا قاتىسقانداردىڭ 18,4%-ى ٶزگەرٸستەر تۋرالى ەستٸمەگەن, تەك 11,8%-ى عانا بۇل قادامدى قۇپتاسا, 8,1%-ى بەيتاراپ ۇستانىمدا ەكەنٸن بٸلدٸرگەن.
ساراپشىلاردىڭ ايتۋىنشا, ققس شەگٸنٸڭ 15 ملن تەڭگەگە دەيٸن تٶمەندەتٸلٸپ, سالىق جٷكتەمەسٸنٸڭ ارتۋى باعانىڭ ٶسۋٸنە ەكەلٸپ سوقتىرۋى ىقتيمال. سوڭعى ٷش ايدا حالىقتىڭ 68,6%-ى ازىق-تٷلٸك پەن كٷندەلٸكتٸ قاجەتتٸ تاۋارلارعا جۇمسالاتىن شىعىنى ەدەۋٸر ٶسكەنٸن ايتقان. تاعى 13,9%-ى شىعىنىنىڭ ازداپ ارتقانىن بايقاسا, 11%-ىندا ٶزگەرٸس بولماعان, ال شىعىن ازايدى دەگەندەردٸڭ ٷلەسٸ نەبەرٸ – 2,8%.
"دەگەنمەن, باعانىڭ قىمباتتاۋى قازاقستاندىقتاردىڭ نەگٸزگٸ الاڭداۋشىلىعىنا جاتپايدى. حالىقتى ەڭ قاتتى مازالايتىن مەسەلە – تٶمەن تابىس پەن جالاقى دەڭگەيٸ. ەكٸنشٸ ورىندا – جەمقورلىق مەسەلەسٸ, ال كٷندەلٸكتٸ تۇتىناتىن تاۋارلاردىڭ قىمباتتاۋى تەك ٷشٸنشٸ ورىندا تۇر",- دەيدٸ ساراپشىلار.
