قازاقستاندا مۇناي ٶندٸرۋ كەزٸندە شىعاتىن ٸلەسپە گازدى تسيفرلىق ماينينگكە قاجەتتٸ ەلەكتر ەنەرگيياسىن ٶندٸرۋگە پايدالانۋ ۇسىنىلدى. جاڭا تەتٸككە سەيكەس, ماينينگ كومپانييالارى جەر قويناۋىن پايدالانۋشىلاردىڭ كەلٸسٸمٸمەن مۇناي كەن ورىندارىندا اۆتونومدى ەلەكتر ستانتسييالارىن ورناتا الادى, دەپ حابارلايدى dalanews.kz.
بۇل تۋرالى ٷكٸمەت وتىرىسىندا جاساندى ينتەللەكت جەنە تسيفرلىق دامۋ ۆيتسە-مينيسترٸ عيززات بايتۇرسىنوۆ مەلٸمدەدٸ. ونىڭ ايتۋىنشا, تيٸستٸ مەحانيزم ەنەرگەتيكا مينيسترلٸگٸمەن بٸرلەسٸپ ەزٸرلەنگەن.
جوبا اياسىندا قازٸر تولىق پايدالانىلماي جاتقان ٸلەسپە مۇناي گازىنان ەلەكتر ەنەرگيياسىن ٶندٸرۋ كٶزدەلٸپ وتىر. ال الىنعان قۋات تسيفرلىق ماينينگ نىساندارىنىڭ جۇمىسىنا جۇمسالادى.
بيلٸك بۇل باستاما گازدى بوسقا جاعۋ كٶلەمٸن ازايتۋعا, جاڭا ينۆەستيتسييالار تارتۋعا جەنە قوسىمشا جۇمىس ورىندارىن اشۋعا مٷمكٸندٸك بەرەدٸ دەپ ەسەپتەيدٸ. وسىنداي تەسٸلدٸ كٶمٸر شاحتالارىنان بٶلٸنەتٸن مەتاندى كەدەگە جاراتۋ ٷشٸن دە قولدانۋ جوسپارلانىپ وتىر.
ستراتەگييالىق تسيفرلىق ماينينگ جوبالارىنىڭ جالپى جوسپارلى قۋاتى 300 مەگاۆاتتى قۇرايدى. ۆەدومستۆو مەلٸمەتٸنشە, قۋاتى 90 مەگاۆاتت بولاتىن العاشقى جوبا 12 قىركٷيەكتە ٸسكە قوسىلعان.
