Qazaqstanda munai óndirý kezinde shyǵatyn ilespe gazdy tsifrlyq mainingke qajetti elektr energiiasyn óndirýge paidalaný usynyldy. Jańa tetikke sáikes, maining kompaniialary jer qoinaýyn paidalanýshylardyń kelisimimen munai ken oryndarynda avtonomdy elektr stantsiialaryn ornata alady, dep habarlaidy dalanews.kz.
Bul týraly Úkimet otyrysynda Jasandy intellekt jáne tsifrlyq damý vitse-ministri Ǵizzat Baitursynov málimdedi. Onyń aitýynsha, tiisti mehanizm Energetika ministrligimen birlesip ázirlengen.
Joba aiasynda qazir tolyq paidalanylmai jatqan ilespe munai gazynan elektr energiiasyn óndirý kózdelip otyr. Al alynǵan qýat tsifrlyq maining nysandarynyń jumysyna jumsalady.
Bilik bul bastama gazdy bosqa jaǵý kólemin azaitýǵa, jańa investitsiialar tartýǵa jáne qosymsha jumys oryndaryn ashýǵa múmkindik beredi dep esepteidi. Osyndai tásildi kómir shahtalarynan bólinetin metandy kádege jaratý úshin de qoldaný josparlanyp otyr.
Strategiialyq tsifrlyq maining jobalarynyń jalpy josparly qýaty 300 megavatty quraidy. Vedomstvo málimetinshe, qýaty 90 megavatt bolatyn alǵashqy joba 12 qyrkúiekte iske qosylǵan.
