ەلىمىزدە دارىگەرلەرگە ارنالعان “قازاقستاننىڭ ەڭبەك سىڭىرگەن دارىگەرى" اتاعى پايدا بولدى. اتالمىش ماراپاتقا يە بولعان اقحالاتتى جاندارعا 1000 اەك كولەمىندە ءبىرجولعى تولەم تولەنەدى، دەپ حابارلايدى Dalanews.kz.
پارلامەنت ءماجىلىسى كەيبىر زاڭنامالىق اكتىلەرگە دەنساۋلىق ساقتاۋ ماسەلەلەرى بويىنشا وزگەرىستەر ەنگىزدى. زاڭ جوباسىندا مەديسينا قىزمەتكەرلەرى ءۇشىن جاڭا الەۋمەتتىك كەپىلدىكتەر كوزدەلگەن.
ناقتىراق ايتساق، "قازاقستاننىڭ ەڭبەك سىڭىرگەن دارىگەرى" قۇرمەتتى اتاعى ەنگىزىلەدى. بۇل اتاققا يە بولعاندار 1000 اەك مولشەرىندە (بيىل 3 692 000 تەڭگە) ءبىرجولعى تولەمگە يە بولادى.
سونىمەن قاتار جىل سايىن "ءوز ماماندىعىنىڭ ۇزدىگى" رەسپۋبليكالىق كونكۋرسى وتكىزىلىپ تۇرادى. بايقاۋ جەڭىمپازى 500 اەك (2024 جىلى 1 846 000 تەڭگە) مولشەرىندە تولەم الادى.
قالا بەردى بالاباقشالاردا ورىن ءبولۋ كەزىندە مەديسينا قىزمەتكەرلەرىنىڭ بالالارىنا باسىم قۇقىق بەرىلەدى. ال قىزمەتتىك مىندەتىن اتقارۋ كەزىندە قازا تاپقان نەمەسە مۇگەدەك بولىپ قالعان مەديسينا قىزمەتكەرلەرىنىڭ بالالارى جوعارى وقۋ ورىندارىنا كونكۋرستان تىس قابىلدانادى، ياعني مەملەكەتتىك ءبىلىم گرانتى ەمتيحانسىز بەرىلەدى.
