Reuters ساۋالناماسىنا قاتىسقان ساراپشىلاردىڭ باسىم بٶلٸگٸ قازاقستان ۇلتتىق بانكٸ بازالىق مٶلشەرلەمەنٸ جىلدىق 16,25%-دان 16%-عا دەيٸن تٶمەندەتەدٸ دەپ كٷتەدٸ, دەپ حابارلايدى dalanews.kz.
قازاقستان ۇلتتىق بانكٸ بازالىق مٶلشەرلەمەنٸ جىلدىق 16,25%-دان 16%-عا دەيٸن تٶمەندەتۋٸ مٷمكٸن. مۇنداي بولجامدى Reuters اگەنتتٸگٸ ساۋالناما جٷرگٸزگەن ساراپشىلار بٸلدٸردٸ.
ساۋالناماعا قاتىسقان 12 ساراپشىنىڭ سەگٸزٸ بازالىق مٶلشەرلەمە 16%-عا دەيٸن تٶمەندەيدٸ دەپ ەسەپتەيدٸ. تاعى ەكٸ ساراپشى ونىڭ 15,75%-عا دەيٸن تٷسەتٸنٸن بولجاسا, قالعان ەكەۋٸ مٶلشەرلەمە قازٸرگٸ 16,25% دەڭگەيٸندە ساقتالادى دەگەن پٸكٸردە.
قىركٷيەك ايىندا ۇلتتىق بانك بازالىق مٶلشەرلەمەنٸ 16,75%-دان 16,25%-عا دەيٸن تٶمەندەتكەن. رەتتەۋشٸ مٶلشەرلەمە بويىنشا دەلٸزدٸ پليۋس-مينۋس 1 پايىزدىق تارماق دەڭگەيٸندە بەلگٸلەدٸ.
سول كەزدە ۇلتتىق بانك پروينفلياتسييالىق فاكتورلار مەن تەۋەكەلدەردٸڭ كٷشەيۋٸ 2027 جىلعا ارنالعان بولجامداردىڭ قايتا قارالۋىنا ەسەر ەتكەنٸن حابارلاعان. رەتتەۋشٸنٸڭ باعالاۋىنشا, مۇنداي جاعدايدا بازالىق مٶلشەرلەمەنٸ ودان ەرٸ تٶمەندەتۋ مٷمكٸندٸگٸ شەكتەۋلٸ.
2026 جىلعى قىركٷيەكتە قازاقستانداعى ايلىق ينفلياتسييا 0,6% بولدى. بۇل كٶرسەتكٸش تامىز ايىنداعى دەڭگەيمەن بٸردەي. ال جىلدىق ينفلياتسييا تامىزداعى 9,8%-دان قىركٷيەكتە 9,3%-عا دەيٸن باياۋلاعان.
Reuters ساۋالناماسىنا قاتىسقان ساراپشىلاردىڭ باسىم بٶلٸگٸ اقشا-كرەديت ساياساتى كوميتەتٸ بازالىق مٶلشەرلەمەنٸ جىل سوڭىنا دەيٸن 16% دەڭگەيٸندە ساقتايدى دەپ كٷتەدٸ. سونىمەن قاتار ولاردىڭ پٸكٸرٸنشە, 2027 جىلدىڭ بٸرٸنشٸ توقسانىندا مٶلشەرلەمەنٸ ودان ەرٸ تٶمەندەتۋ مٷمكٸندٸگٸ شەكتەۋلٸ بولۋى ىقتيمال.
