قازاقستاندا تۇرعىن ٷي نارىعىنداعى بەلسەندٸلٸك تٶمەندەدٸ. 2026 جىلعى شٸلدەدە ەل بويىنشا باسپانا ساتىپ الۋ-ساتۋعا قاتىستى 37 158 مەمٸلە تٸركەلگەن. بۇل ماۋسىممەن سالىستىرعاندا 4,9%-عا, ال بىلتىرعى شٸلدەگە قاراعاندا 6,5%-عا از, دەپ حابارلايدى dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, تۇرعىن ٷي ساۋداسى ەڭ قىزۋ جٷرگەن قالالار - الماتى مەن استانا. شٸلدەدە الماتىدا 7 263, استانادا 6 999 مەمٸلە جاسالعان. قاراعاندى وبلىسىندا بۇل كٶرسەتكٸش 2 688-گە جەتتٸ.
سونىمەن قاتار بٸرقاتار ٶڭٸردە نارىق ايتارلىقتاي بەسەڭدەگەن. بٸر اي ٸشٸندە ماڭعىستاۋ وبلىسىندا مەمٸلەلەر سانى 33,7%-عا, قاراعاندى وبلىسىندا 28,7%-عا تٶمەندەدٸ.
كٶپقاباتتى ٷيلەردەگٸ پەتەرلەرگە قاتىستى 28.575 مەمٸلە جاسالىپ, ولاردىڭ ساتىلىمى بٸر ايدا 2,9%-عا ازايدى. ساتىپ الۋشىلار اراسىندا ەكٸ بٶلمەلٸ پەتەرلەرگە سۇرانىس جوعارى بولعان. مۇنداي باسپانا بويىنشا 11 056 مەمٸلە تٸركەلگەن.
جەكە ٷيلەر نارىعىنداعى تٶمەندەۋ بۇدان دا جوعارى. شٸلدەدە 8 583 جەكە ٷي ساتىلىپ, مەمٸلەلەر سانى بٸر ايدا 10,8%-عا قىسقاردى. ەڭ ٷلكەن قۇلدىراۋ ماڭعىستاۋ وبلىسىندا بايقالدى – جەكە ٷي ساۋداسى 49%-عا ازايعان.
جالپى, 2026 جىلدىڭ قاڭتار-شٸلدە ارالىعىندا قازاقستاندا تۇرعىن ٷي ساتىپ الۋ-ساتۋ مەمٸلەلەرٸنٸڭ سانى ٶتكەن جىلدىڭ سەيكەس كەزەڭٸمەن سالىستىرعاندا 2,6%-عا تٶمەندەگەن.
