قازاقستاندا ەسكەري بيلەت الۋ قانشا تۇرادى?

قازاقستاندا ەسكەرگە بٸر جىل بويى جٷرمەي-اق, زاڭدى تٷردە ەسكەري بيلەت الۋعا بولا ما قورعانىس مينيسترٸنٸڭ ورىنباسارى سەرٸك بورامباەۆ مەجٸلٸس كۋلۋارىندا وسى مەسەلەگە نٷكتە قويىپ, ەسكەرگە بارۋدىڭ زاڭدى بالاماسى تۋرالى پٸكٸر بٸلدٸردٸ, دەپ حابارلايدى Dalanews.kz

مينيسترلٸك ٶكٸلٸنٸڭ سٶزٸنشە, ەزٸرگە ەلٸمٸزدە دٸني نەمەسە مورالدىق سەبەپتەرمەن ەسكەردەن باس تارتۋعا مٷمكٸندٸك بەرەتٸن «بالاما قىزمەت» (التەرناتيۆنايا سلۋجبا) جٷيەسٸ جوق. الايدا زاڭ شەڭبەرٸندە باسقا تيٸمدٸ جول قاراستىرىلعان.

40 كٷن جەنە 300 مىڭ تەڭگە

ەگەر سٸز تولىق مەرزٸمگە كازارماعا بارعىڭىز كەلمەسە, بٸراق ەسكەري بيلەت قاجەت بولسا, اقىلى دايىندىق كۋرسىنان ٶتۋگە بولادى. بٸراق بۇل بارلىعىنا بٸردەي رۇقسات ەتٸلمەيدٸ.

سەرٸك بورامباەۆتىڭ ايتۋىنشا, بۇل مٷمكٸندٸكتٸ پايدالانۋ ٷشٸن ازامات:

• 24 جاسقا تولعان بولۋى كەرەك;

• دەنساۋلىعىنا نەمەسە وتباسىلىق جاعدايىنا بايلانىستى الدىن الا كەيٸنگە قالدىرۋ (وتسروچكا) قۇقىعىنا يە بولۋى تيٸس.

«رەسمي تٷردە اقىسىن تٶلەپ, 40 كٷندٸك دايىندىق كۋرسىنان ٶتٸپ, ەسكەري بيلەت الۋعا بولادى. قازٸر ناقتى ەسٸمدە جوق, باعاسى شامامەن 240 مىڭ مەن 300 مىڭ تەڭگەنٸڭ ارالىعىندا», – دەدٸ مينيستر ورىنباسارى.

ەسكەري كوميسسارياتقا بارۋ مٸندەتتٸ ەمەس

ەڭ قىزىعى, بۇل پروتسەستٸ باستاۋ ٷشٸن ۇزىن-سونار كەزەككە تۇرىپ, ەسكەري كوميسسارياتتىڭ ەسٸگٸن توزدىرۋدىڭ قاجەتٸ جوق. زامان تالابىنا ساي بەرٸ تسيفرلاندىرىلعان.

ٶتٸنٸمدٸ online تٷردە, «تسيفرلىق ەسكەري كوميسساريات» ارقىلى بەرۋگە بولادى.

جٷيە ٶتە قاراپايىم جۇمىس ٸستەيدٸ:

1. سٸز ونلاين ٶتٸنٸم بەرەسٸز («ماعان ەسكەري بيلەت كەرەك, قىزمەت ٶتەگٸم كەلەدٸ» دەپ).

2. كەزەككە تۇراسىز.

3. تٶلەماقى جاسايسىز.

4. كەزەگٸڭٸز كەلگەندە 40 كٷندٸك قىزمەتتٸ ٶتەيسٸز.

ەستەرٸڭٸزگە سالا كەتەيٸك, 2025 جىلدىڭ سوڭىنا دەيٸن قازاقستاندا 18 بەن 27 جاس ارالىعىنداعى 22 مىڭعا جۋىق ازاماتتى مەرزٸمدٸ ەسكەري قىزمەتكە شاقىرۋ جوسپارلانعان. بيىلعى جاڭاشىلدىق – شاقىرتۋ قاعازدارى ەندٸ SMS حابارلاما ارقىلى جەنە eGov پورتالى ارقىلى دا جٸبەرٸلۋدە.